甜品兵團又出動了, 今次去的地方就是位於又一城的Rice Paper, 貪佢地方就腳之餘, 最緊要都仲係Tea time 又唔駛等位, 坐得舒服, 如果唔係對住個冰場而係對住個海, 真係又黎左一個短暫旅行一樣咁呀~
![](https://www.hkicons.com/_1574.jpg)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/52/l/Nzzwk7qoind3LWjrv5a7Qw.jpg)
檯與檯之間隔得勁開, 咁先可以滿足到我地對甜品的慾望之餘, 更可滿足三個女人一個虛, 暢所欲言的哥懾哥懾心態
![](https://www.hkicons.com/_962.gif)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/58/l/H5MndlcaU5C9kk4DohPEng.jpg)
餐牌就用左的最鍾意的紫色, 真係未打開都有好感了!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/62/l/XcyA2DOZDZXQhpEjNxZa4Q.jpg)
我地當然係一人叫一款食過夠啦!今日就等我地黎睇下餐牌同實物的分別喇!
French Kiss (睇唔到係$38定還是係$58~)
一聽呢個名就知到勁啦! 即係一食就叫人慾罷不能o個種, 好味到停唔到口!!聽大廚講呢個係鎮店的甜品, 銷量係咁多款甜品之冠!!
呢個甜品就係用左紅桑子雪葩+杏仁脆糖雪糕三文治
全部都係新奇的配搭, 梗係要一試啦!!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/63/l/Jjc_69D.07vSfKUFP1kCZw.jpg)
大家有冇發現到個實物同個真身有咩唔同呢?? (俾你3秒時間, 3…..2……1)
叮叮叮, 夠鐘! 個不同之處就在於個餐牌內的雪葩係應該比個三文治係細, 而個三文治又應該係厚番些少, 依家好似有點妹仔大過主人婆咁 (不過其實呢個都唔係重點黎o既, 食落去好食就得~)
其實我個人唔係好受得那些好fresh, 好酸的野, 所以我第一啖都係試左個底先
塊脆餅都真係好脆, 完全係冇呃你, 而且仲帶有很香的牛油味! 值得俾佢10個Like!
再加埋佢地用上鳥結糖的自家製雪糕, 雪糕香滑帶有濃濃的鳥結糖味, 仲有粒粒碎了的杏仁加強左個口感, 所以真係要再俾佢10個 like!!
大廚既然諗得到用上呢個雪葩, 除左令個賣相睇落去"拎拎" 之外, 都應該自然有佢的道理, 於是第二啖就梗係要加埋呢個雪葩一齊食…(如果叫我就咁食個雪葩我諗我唔得)
一咁食之下, 我個樣就好似咁…..
![](https://www.hkicons.com/_2262.gif)
本來好冧仲沉迷係脆餅鳥結糖的香甜味, 加入左紅雪葩後, 突然俾人叫醒左咁!
好刺激!!!!
個酸味中和左個香甜味, 令人的精神為之一振!!真的是小妹的誠意推介!
(我已經決定左下次我要一個人叫呢個獨食!
![](https://www.hkicons.com/_344.gif)
)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/66/l/ixLvEv4ZLYclknhCjeWw2Q.jpg)
大家唔好誤會, 我雖然係鍾意食香蕉製的甜品, 不過呢個唔係我叫的!
下一味就係呢個香蕉千層酥配雲呢拿球($48)喇!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/56/l/_Vres9ji138GqCyDvlug1A.jpg)
老實講呢個真係好普通, 不是太好味, 賣相其實都OK, 我欣賞佢加左少少糖製造左呢個燒焦的香蕉, 不過一切開, 個千層酥皮厚厚的又唔太脆, 我諗呢個位都真係扣左唔少分呀!
先該就提議食個朱古力梳乎喱伴焦糖雪糕冇咁嬲!(最衰都係我, 我一見到千層酥三個字又逃唔出佢的魔掌!!)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/57/l/TYgyM1WIDpTJrvtXPEbwvA.jpg)
最後出場的就是我的椰香芒果黑糯米. 榛子脆糖
睇個餐牌的賣相就不俗喇!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/67/l/el9nU0nLFqMPx0cfPyKCYQ.jpg)
真身都幾討好!! 好似女仔咁都有化妝出街!
食甜品我最喜歡配的飲品唔係咖啡, 因為咖啡有奶, 食完再飲杯就會令人好飽!!!!
所以如果有得揀,我會飲青檸梳打!耐唔耐飲杯有氣的飲品個人會即刻舒服哂!
![](https://www.hkicons.com/_1573.gif)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/53/l/dfYjjLIWO6C.W4PEnmMxtw.jpg)
去完泰國之後,耐唔耐就要食下芒果飯,以一解單思之苦,唔知呢個芒果糯米飯幫唔幫到我呢? 希望佢又華又實,而唔係華而不實啦!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/55/l/UQer13Imz6fLpHeM9CD_vA.jpg)
狠狠的一匙切落去!
![](https://www.hkicons.com/_346.gif)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/54/l/wQ.vTrPFCH0HSiw9ZeL6vw.jpg)
椰汁不太似泰國,泰國的是杰杰的不似呢個咁稀,有D似水狀, 好彩都有淡淡的椰香味
黑糯米就比較硬身, 唔似泰國那些總是黏黏的很香甜!佢呢個樣雖然係fancy 好多, 但係食落原來同泰國一pack 的真係無得比!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/59/l/241RL5h82Kn3jJq_MCxRCA.jpg)
我一路食一路掛住傾, 到食到呢個地步, 我先靈光一閃咁發現唔見左D脆脆, 不過都真係太遲, 唔通呢個時候先問人拿番加番落去咩!
而且我一向都唔贊成食物出左廚房要再叫人拿番入去, 因為你都唔知會加左D咩!
要一讚的係佢的椰汁份量岩岩好! 成個食完椰汁都岩岩冇哂!!真係好!!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/51/l/4No6rN6j1zAHgkPLoH3cUw.jpg)
黎Rice paper 食甜品真的算是一個不俗的選擇, 食甜品食境就好好, 只是如果食正餐就略嫌有D唔抵食, 因為價錢不算便宜,但食物的水準不是很高!
![](https://www.hkicons.com/_342.gif)