不知是否因為經前症候群的關係, 正如近日的空氣污染指數一樣, 是日嗜甜指數係…."極高"!!! 天氣鬱悶, 最好就係一杯香滑的乳酪平衡一下心情, 站係旺角的街頭, 諗黎諗去都想唔起有冇一間似樣少少的 (老實講家樂那條街的小鋪有點令的卻步)
於是緊係拿個電話出黎, 以前就話要打電話問朋友,依家按幾下就搵到邊間好食唔好食啦!
全旺角
跟住就係 -雪糕/乳酪
睇均呢間最像樣!再按google map
老實自問都係一個認路王, 由細到大我都係受過我的"夾價王"好姊妹專業的訓練, 只要你講得出係旺區想去邊, 我都會Map 到條路(仲要係最短o個條), 當年可能會為左一舊刷膠, 由旺中, 行到家樂, 再掃Trendy zone, 信和, 想起睇埋聯合, 最後番家樂買, 要知點行之餘,仲要記邊個商場邊間鋪,間鋪係邊,幾多錢, 真係好多謝佢當年的用心良苦將我訓練血拼材料(好感動
), 我的內置GPS 應該係那時upgrade !
不過, 唔好同我講街名,你話我知附近有咩我先識行
講番個Yoghurt 先, 一睇個地址係染布房街真係唔知係邊,呢個時候梗係google map 啦! 唔通仲要黎一個路在口邊咩!? (係MK 問路真係有機會俾人打的…)
一見麥花臣球場我就知了
既然都按左出黎, 緊係要跟住點藍點走啦! 超易搵, 我行到都留意唔到, 我到左仲係咁望住o個點
好多我D Friend 呀!!好彩佢個黑眼圈仲大過我呀!!!! 
食完唔會似你就得喇!
唔知個店主會唔會得閒洗下隻熊貓呢? 我Feel 到佢地有少少污穢
雖然熊貓係我的Friend, 但係我真係好想脫離佢地的行列, 唔想再同佢地做朋友喇!
100g = $13 ? 我其實唔係成日食乳酪, 所以都唔係好知算貴定係平, 但係對上次食Yomama, 我選左兩個topping , 好似要$40
講明用3.6奶, 一定會好香滑架喇~~~
100g有幾多我都唔知, 不過唔理得咁多!!!
D topping 係任你自己加, 最衰前面有對痴男怨女連體嬰咁, 個男唔係加但係都要貼住個女, 所以我等得太耐都只記得要加咩加咩,topping 相都唔記得左tim 
有8款生果, 其他我要食的都有, 餅碎(木糠) , 粟米片, 朱古力醬
另外有朱古力粒, 朱古力曲奇, 朱古力格格脆…一共約18款到啦!(只係記得我要食的同埋朱古力)
怒加兩平匙木糠,粟米片,Green Tea 及chocolate mochi 之下, 都只係$25!!!!
真係超開心 (我上次係某某食加左一個topping 都要$28!)
我的得意之作!!! 我對mochi 沒有特別的愛好! 但係我見到個樣就忍唔住加左好多粒!!
第一啖緊係咩都要一次過食啦!! 先會知道加埋一齊的效果係點!!
一個字, 夾字!!!
乳酪的酸味恰到好處, 我好怕有些好酸的, 個乳酪有少少香甜after taste! 勁!!
另外我食乳酪仲有一個條件, 就係啖啖都要有餅碎 ! 白濛濛我會頂唔順, 兩匙半都差左少少, 下次要加夠起碼三匙!
朱古力的mochi 好味過綠茶, 下次只係加朱古力!
邊行邊食未行番出大街都食哂, 有點意猶未盡! 下次一定要再食!!!!
(得喇得喇! 我會早D 訓架喇! 唔好咁樣望住我! 我都唔想變左你呀! )
