嚇到的心仔都離哂的馬戲團後,緊係要去醫下個肚定下神
我地就去了彩碟谷美食特區,一個坐得舒服,咩都有得食的有人服侍版的food court
仲特別設有男士專區的。。。
用器好得,因為有我的最愛蝴蝶圖案!
調味架都印有Butterfly~~~
呢度都榮獲了多個獎,係咩獎就唔知喇!反正都入左黎,好食就得架啦!理佢拿幾多個獎,唔好食,咩獎都假啦!
開放式廚房即刻令到好感度大增,起碼個表面都光鮮清潔先啦!
空間感都大,唔會檯貼檯聽到哂隔離檯講野!
成個場好大,都唔知有幾多張檯,可能我地都算夜,不是太多人夜消!
中式(點心,燒味,炒粉麵),西式(意粉,三文治),日式(烏冬,刺身),泰式,甜品,好似你諗到的都有!
我地叫左個蝦餅(不過係一件吸油寶寶咁,索哂油,食左兩件都真係算好叻!)
燒鵝一般啦,不是太熱,但味都尚可以
最好味都係呢個排骨陳川粉!
食完哂主菜就緊係要來一個我的另一款主菜啦!有個錦鯉芒果布甸,睇圖不錯,決定叫一個試下
來到個樣都不錯。。。
但一食,問題就來了!好噁心!!因為個布甸的質感有些彈性,要用些力先可以插到隻匙羹落去,一插落去,成個頭俾我批左出黎!
OMG!好殘忍咁!真係有點頂唔順,唔知點解食魚都冇呢個感覺,真係十萬個為什麼!
就係咁,成個頭啜入口,條魚好快就冇掙扎了。。。
我同自己講,我以後都唔會再食任何動物形狀的芒果布甸!
一扎醒都已經是九點半,早餐就至到十點,但係點都要落去睇下,人真係多到你唔信,整間酒店的人出動哂黎食早餐,真係唔係野小!餐自助早餐真係好普通,又唔係太好食,普通到我都唔係好想寫,因為我真係仲有好多其他野要寫,哈哈!
本來想去野生動物園,但係一來時間不太夠,二來天色不太好,三來意慾不太高,基於十個理由,我們都決定留係酒店hea 下
我地最終坐係大堂的cafe飲下野,傾下計,個環境好relax好舒服
樓底極高,令空間感大增
其實飲野都係其次,都係用錢買一個舒服的環境,Latter一杯人仔45蚊
用車仔茶包沖的奶茶人仔45蚊,盛惠一百
事後見到有個大隆大叔,大搖大擺帶埋個仔坐低,咩都唔叫,都冇人敢黎叫佢叫野飲,佢仲要係度撩鼻屎,破壞了整個場的氣氛!!可惜的係我偷映相技術未到出神入化,我驚佢發現左我映佢,佢彈鼻屎攻擊我咪死!
所以都係算了!
就是這樣過了很愉快的兩日,特別鳴謝M先生的安排!!!!