by 王姬 

浪漫法國私房菜 – Meet LoBo @ CWB

25 7 月, 2011 in 港飲港食, 全部分類

0 shares

岩岩先去完伊呂波, 估唔到M 先生提議去食, 當然我亦沒有反對, 於是又再次走進渣甸街…….

正當我想走進呢個渣甸中心的時候, 佢就吩咐我繼續向前行

於是我就跟住佢轉左入前一些的一幢商廈, 心想今次不知又有什麼新的攪作!

他把我帶來了呢個黑蚊蚊的門口, 問我Lobo 係咩?

我唔知點解本能反應就反問佢"哈!我地黎睇下機械人先去食飯呀?"

(依家諗番真係好九唔搭八,點都諗唔到點解我會咁問架呢?真係十萬個為什麼的其中一麼!)

一個打扮靚靚的女士應門,一打開門,她就熱情的說:"M先生,今天你地包場呀!"

原來我地今天晚上不是舉杯豪飯,反反反的伊呂波,而是浪漫高雅的法國私房菜!真係每次都估你唔到!好多謝你的心思呀!

餐廳內的主色是黑色,只有約二十個位子,雖然用上冷冷的黑色,不知是否因為老闆娘的熱情貼心的招呼,再加上M先生悉心安排的驚喜,整間餐廳給我的感覺都很溫暖,很有格調!

來了一杯House Wine, 食西餐沒有一杯酒總覺是欠缺了一點點。。。

House Wine 是一杯智利酒,不俗

牛油餐包從來都是我最愛吃的!而呢個餐包我可以俾佢一百分,因為:

1)夠哂熱之餘,皮又不是太硬的那種,還烘得內脆外嫩

2)牛油是軟軟滑滑又不至於溶,一放入包中,輕輕用刀一推,就溶了!完全避免了成舊牛油硬硬的推極都唔郁又唔融,最討厭!

同時間就來了呢個前菜三寶(唔好意思,個名係我改的!)

由於M先生黎之前已經訂了菜,所以我冇睇過個餐牌,第一道菜一看說帶來了一個驚喜!老闆娘耐心的介紹每一款:

左起:香煎帶子配茴香忌廉汁,香炒雜菌黑松露油鵪鶉蛋多士,扒鮮嫩雞胸配菠菜蛋黃醬汁

(個人覺得自己好有潛質去寫餐牌!哈!)

老闆娘教要扑開隻蛋等蛋汁流落去菇菇度,再一口咬落去!

多士烘得香脆,估不到加蛋後感覺很完美!我很喜歡黑松露的香味,加了少許黑松露油即刻將香味的程度爆升!

亦要一提那鮮嫩雞胸,我真的沒有誇張!!我食雞胸咁耐,真係從如此嫩滑過!加上那個Mayonnaise 的汁,令我對呢一款讚賞度再一步提升!

唔知佢係唔係知道我對黑松露係十個喜愛,湯是雜菌忌廉湯,面頭的又是最愛的黑松露油,這湯一飲便知真的是用菌來製作,而不是用湯粉的!

驚喜真的是一浪緊接一浪!

再來又是我的最愛煎鵝肝!鵝肝厚厚的,外層煎得香脆金黃,沒有一咬落去成口油的感覺,加上用酒釀過的提子,又是另一番的滋味!

食完呢三樣野,我都已經飽了!要來一個中場的休息!

於是我們應老闆娘的邀請,就出去參觀一下露台,門一打開。。。

小小的露台灑著蛋黃的燈光,如果冬天坐在這兒把酒談心,一定是人生的一大快事!

呢個悠閒的環境同車來車往的小街形成了強烈的對比。。。

站了一輪,談了一輪我地各自的夢想,是時候回去繼續我地的主菜!

M先生的主菜是牛仔肉伴黃豆蓉

我的是寶雲酥羊鞍伴蘿蔔清湯!呢個食法真的有趣,你可以選先把湯飲完,再食,而你又可以一啖羊伴住湯一齊食!我!?我梗係一啖湯加羊一齊食,咁先試到個不同之處!

羊沒有很羶的味道,肉質很特別,整得好淋的同時又有嚼頭,真係烹飪的最高境界!

終於到了尾聲,捧住肚之餘都要選甜品!

如果要心太軟要加$25,因為我真係太飽喇!所以唯有留番下次先再試!

於是在四款入面點了Apple Crumble 同 Ponna Cotta

其實我對Apple Crumble 不是太喜歡,但係面對住呢個,我諗我要推番我對佢的睇法!原來Apple Crumble 加雪糕可以係咁好味!不過我唔排除我係鍾意食佢個批殼呢!

Ponna Cotta 都做得不俗,不過比起上來,都是Apple Crumble 好味些!

最後用了一杯咖啡劃上呢餐的句號,與其說是一杯,其實只係一啖!

呢餐食了$950, 價錢雖然好似都唔平,不過我覺得物超所值呀!而且亦感覺到這小店的心思,很欣賞它誠意為你帶來美食體驗的那用心!

提一提大家,佢地係唔收卡架!所以記住帶現金呀!

看著它的咭片,Lobo 原來是Noble 的意思。。。

 「幸福的十個理由」現已推出 

免費下載

讓你幸福的十個理由
>