(上回提要：話說食完個Thong Lo 芒果飯。。。）
你一定會覺得好奇怪，就係明明上次都仲係Day 5 , 仲咩鬼一跳就去到Day 6的Part 2食Dinner ??咁Part 1 去左邊呢？？
唔好奇怪，真係有玄機的！
話說我好開心咁打打打打打，打好左個Day 6 part 1, 正當要按發表的時候，我有個習慣就係會先按Ctrl A,再按Ctrl C,再按發表，以防萬一出唔到
真係好衰唔衰，岩岩o個篇按完Ctrl A,我唔知發左咩神經按左個Ctrl V
結果，成篇野就變左得番。。。
呢個公仔！！
老實講同一篇我真係冇心機再打多一次！同埋佢咁都消失得的話，證明我o個篇真係唔寫好過寫呀！於是我把鬼火，決定唔再打過喇！
所以真係要多多包涵呀！
（好喇！講完喇！係時候回正題喇！）
話說我地黎到呢個唐人街, 成條街都係食野的, 基於咩都要試下的心理, 我地就見人多就埋去試下, 特別係專搵多泰國人的o個D~睇下佢地地道人食的野丫嘛! (雖然整條唐人條充斥住的都係香港人, 聽到都係廣東話)
第一間就係食…..湯河粉的
係呢個配額有限的moment, 就梗係一碗兩個人賒牙啦! 好味先又叫多碗, 如果唔係一人一碗都Full 哂啦!
於是我地叫左碗鴨湯河
河粉就是厚厚扁扁的, 不似我地平日食開好跣入你口的o個種河粉, 第一次係泰國食到有骨的鴨, 唔知係唔係泰國人的牙係特別弱的, 我地不嬲都好欣賞泰國人成日都好窩心的食咩都會幫你去埋骨, 不過呢度冇囉~
我諗下次都唔會再黎
黎唐人街, 翅就梗係必食的項目啦! 之後就是但轉戰左間翅鋪叫左煲翅, 港幣幾十蚊有交易, 仲要係滾到啫啫聲o個種
湯底個味好濃, 我發覺去親泰國食翅都真係有呢個感覺, 可能係因為沒有用好多材料去滾個湯底, 所以唔多唔少都要加多少少調味去整色整味
先不先唔好理佢俾咩翅你, 但係真係落足料有塊塊翅, 香港食碗碗仔翅都十幾蚊啦!食的都係粉絲, 所以呢個翅其實真係抵食架!
日日都咁怒食, 去到最尾的一日, 真係有點後勁不繼, 食少少都開始覺飽
於是就不敢怠慢, 即刻走去食甜品!!! 除左翅之外, 黎唐人街第2必食的就係燕窩喇!
成碗滿滿的燕窩加隻半熟蛋都只係港幣廿幾蚊, 咕一聲就落左我肚~
摸一摸塊面, 即刻滑左!!!!
有冇咁神奇? 就係咁神奇~ 哈哈!
沿路再向前行居然見到檔食甜品人頭湧湧, 仲要有湯圓!!!!於是決定一試
芝麻湯圓係我的最愛
一碗港幣十蚊都唔駛!!
一碗有5粒(我加埋白果), 細細個我就好鍾意食, 但係最鍾意都係泵同MIT白果俾媽媽整腐碌糖水
先試一下個糖水~係好濃的薑味!!!!!!!!!! 我食蕃薯糖水都會走蕃薯, 只飲薑水, 但係有時媽媽唔俾我咁做, 都唔明佢做咩點解都要我食幾粒~
呢個薑糖水真係人間的極品, 其實一入冬的就會化身為彊屍, 媽媽成日話薑糖水可以暖身, 於是不知不覺我就愛上了!
漲卜卜~~~~~~~我來了! 等我一口咬爆佢!
入面的芝麻醬如泉湧出!!!!香濃無比的芝麻味, 仲要係流心的那種, 不似平日雪藏那些即使滾熟都係成固體狀, 咬佢都唔郁!
個皮薄而煙韌, QQ的感覺, 真係覺得好幸福~
話說係個湯丸檔的隔離, 就有一個流動的檔口, 本來都好本常, 勁就勁在於中間坐住一個白髮婆婆同不斷的人龍, 但見個阿婆不停開榴槤, 又不停咁批芒果, 手法的熟練度唔一百都九十九, 我地都認定呢個檔一定係好野!
從未係旅遊書見過有人介紹過呢個阿婆, 心諗, 今次仲唔俾我地搵到隱世榴芒阿婆!?做胡慧沖 The second 今次真係有望喇!!!
佢除左榴槤, 仲有一個重點就係芒果糯米飯, 我地坐左一陣, 就見到一盒又一盒咁賣出去
老實講的並唔係一個揀芒專家,唔知點為之甜, 不過黎左泰國咁耐,我合埋眼都揀到甜的! 但當然面前有個高人, 呢D野就梗係要留番佢做啦!
正當我地沾沾自喜以為發掘左新大陸的時候….
番到酒店一食
真係晴天霹靂呀!!!!!
估佢唔到會係酸的!!!!!!而且飯仲有些硬, 原來我距離胡慧中the second仲好遠
打到呢度，真係有百感交集，因為呢篇就係呢個泰國之旅的最後一篇了！好開心終於都完成了整個泰國遊記！但突然有點唔係好捨得呢！不過，我一路都相信。。。
一個旅程的完結就代表另一個旅程又即將開始！
很快我又會再去遊歷世界喇!
