今日下午相約了客人到呢間位於文化中心被雜誌譽為型格潮餐廳的Deli and Wine睇牌, 這舊址是Starbuk, 如果你唔係黎開文化中心睇表演, 你都唔會走過來呢邊, 所以我之前成日都係呢間Starbuck 度睇牌, 貪佢夠舒服同夠靜….
及後裝修了就變成呢間Deli and Wine !
我約客人多數都喜歡早過客人15分鐘到達, 因為我很怕趕頭趕命的感覺!
所以今日特地早點出來約了在中港城做野的C 先生黎呢度試下新野!真係一石二鳥!!
![](https://www.hkicons.com/_1554.gif)
都唔駛入去都知道呢個地方係一個好hea 的地方, 點解咁講呀!? 你睇下門口o個兩位仁兄你咪知囉!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/18/l/1lCG02XcOyH5_xtU385P6g.jpg)
門口有塊版介紹每日的推介食物, 不過唔係用粉筆同用手寫, 而係印好哂係塊版度!
如果每日都有唔同的推介的話, 咁咪要成七塊版囉!?
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/15/l/FGk8kMyZ6drM0q8CCaa2Tg.jpg)
餐牌就大大塊掛響一入門口的當眼處, 有四,五大類食物, 有意粉, 咖喱, 湯麵, 撈麵, 飯類, 餐牌雖然好似好簡單咁, 但係都已經可以搵到好多野係想食, 咁即係證明呢間野超岩食!
門口的每日推介牌原來真係有佢的作用, 因為我地睇完呢塊大餐牌後, 居然以為門口o個個係一個套餐餐牌, 所以又碌左出去再睇!
點知其實就係俾佢昆左!
![](https://www.hkicons.com/_351.gif)
出面個牌都只係同入面o個個一模一樣, 原來睇真D, 要轉餐咪好清楚咁寫左話要加錢!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/20/l/R2darsUxc.T26ALRAuZ9HQ.jpg)
於是我就先去搵位, P先生就去收銀處買野食, 下午時候太約八成滿, 一搵就搵到位, 我真係覺得自己係一個幸運的人!
![](https://www.hkicons.com/_357.gif)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/27/l/3QHUInngawDoGXor0aWhCg.jpg)
每張檯的檯上擺設都唔同, 有D有又有D冇, 咁岩我呢張就係一棵小樹呀!
張檯型就型喇! 不過略嫌係矮左D, 我地都要寒哂背咁去食野囉!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/25/l/MRgZTPSLH3bfZNinAaY2.Q.jpg)
我地叫左兩個餐share ~ 先來就是魚柳包拼炸薯條, 盛惠$38
麥當當的魚柳包不嬲給我的印象都係冇咩魚味,但係去第二間快餐食魚柳包的時候成日都會覺得好鬼腥, 呢舊魚的味道真係恰到好處,肉質鮮味,脆粉薄薄而炸得香脆!
另外薯條香脆無比,仲要係即炸辣辣!!
![](https://www.hkicons.com/_343.gif)
我個人都係喜歡食粗薯條,最好仲要係有薯皮o個隻!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/14/l/NrqbZ2LxXUCOxfL.yVmx0w.jpg)
呢張相真係映得都幾差勁,唔知個focus 去左邊,個角度真係錯哂呢!
![](https://www.hkicons.com/_358.gif)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/12/l/lBieCu44Y5C_Tar4l8Mpwg.jpg)
另外就叫左個菇菇意, 其實呢碟意粉的感覺係有丁點的奇怪,因為菇菇的烹調方法很中式(有濃濃的蠔油味), 汁就是用日式(照燒汁), 意粉就唔駛講係西式, 真係黎左一個大聯盟意粉, 三十多元,不過不失呀!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/21/l/5IFDlaNizLc721Dle5cSGA.jpg)
再呷一口有拉花圖案的Mocha, 真係令幸福感滿瀉, 係人都鍾意靚野,所以加點點心思,提升一下食物的賣相,真係人都會開心D 呀!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/22/l/yt4o.3YzWX8_K91.KRRRpg.jpg)
看仲呢個鹿形的裝飾, 唔知點解很有泰國的design FEEL~唔知佢係唔係黎先泰國架呢?
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/23/l/5nYjHxETyHNqMho8mokBSw.jpg)
走到另一邊的corner 位, 居然有一個小小的書架!!! 令優閒的感覺再飊升了十倍!
黎左一個速望,我諗其實這些書的作用都係用黎裝飾下,提高一下品味~
![](https://www.hkicons.com/_1556.gif)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/17/l/R9ju5JYDKs4.MqU5qxs8KQ.jpg)
除了有餐牌上的主食外,仲特設開到泛濫左的乳酪corner, 這些圖文並茂的餐牌, 我諗我都係一個圖像人
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/13/l/MPrsyFBAzpBbt05AUNDP5w.jpg)
不要誤會,不是自助的,我只係映下~
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/19/l/xBOuj4X24WLmCzuo.Q16Kw.jpg)
Topping 有大約二十款俾你揀, 十款係生果, 雖然佢冇我最鍾意食的餅乾碎(正確黎講係麥維他碎!) 不過我都決定一間睇完牌後買一杯獎勵一下自己!
![](https://www.hkicons.com/_348.gif)
因為岩岩食完飯即刻食都真係食唔落喇!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/16/l/2blKK0n7oinrv.knh79jEA.jpg)
唔駛我多講, 你睇下個比數就知呢間野值得一去啦!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/37/l/MaUpqraYVoq6dLhcF2vgrQ.jpg)