好友生日, 她獨愛吃日本燒肉, 唯獨是沒有試過伊呂波, 恰巧我都係!!
所以諗都唔駛諗, 即訂位!
話說我下午Miss 左個call, 在去伊呂波的途中先有時間覆, 一聽原來就係佢地下午打黎confirm 我的訂檯, 叫我覆電話, 我訂左七點半, 七點先聽個留言, 留言係一個唔專業的大姑話佢係伊呂波, 問我" 你今晚係唔係黎架? 打番俾我啦!" 就收左線喇!
於是我要開個openrice, 睇個電話, 再第一時間打番去!
一聽又係留言的大姑, 我話我打黎係confirm 個訂檯架, 於是個大姑再一次咁問我" 你今晚係唔係黎架? " (操唔純正的廣東話), 於是我話係呀係呀!留番檯俾我呀!
很喜歡門口看不到入面的感覺, 很神秘的感覺!
門口有一點點的殘舊…..
我地坐下的牆更是殘舊
主餐牌內有不同的盛合, 即係拼盤, 全都是散叫的菜
一系列日本直送的和牛, 可是她唔食牛牛, 咁我唯有下次再試呀!
是夜當然由生日的主人家話事啦! 她錫住我個銀包, 於是就選了呢個2人餐!
折左都係$430 (2人前!)
燒肉我來了!!!!!!
呢條唔係一條普通的餐巾, 而係一條口水"肩" !!
當然我地2個Lady 唔會好似對面個日本大叔真係圍係條頸度啦!
特別要映下呢隻蝦! 一間你地就知…
2人餐的份量都真係不少呀!每人都有大約3 – 4塊呀! 有牛脷啦, 豬頸肉啦, 牛肉同埋唔記得左咩肉, 由於好友唔食牛肉的關係, 所以豬佢牛我! 但詭異在於牛脷佢又食, 女人都真係好難觸摸!
燒熟左的牛肉, 再加上混有和風沙律汁的沙律, 酸酸的, 正好減低了燒肉的油膩感!
其實奉勸一下喜歡吹水的姊妹, 下次最好都唔係黎食燒肉, 因為你又要不停食, 又要不停睇住D肉, 又要反反反, 又要望住對方吹水, 所以稍一不慎, 就會成為了焦肉!
呢個2人餐其實有佢的好處, 因為你散叫你又唔會特登去叫肉食, 做完一輪食肉獸, 食番一些菜個感覺就好好多呀!
點解早前要特別提下隻蝦!?我好想分享一下唔知點解隻蝦可以由一開始, 燒到尾聲!終於都熟左喇!
呢個海鮮燒餅係額外客串!!!好友本來覺得呢個燒餅係全個餐敗筆的地方!但係食之下! 原來都唔係想像中的咁差呀! 外脆內嫩! 煙煙韌韌!!
好友覺得伊呂波是燒肉界中的表表者!
Happy Birthday My Dear ~~~
