尖沙咀的卷蛋小店
早在這Roll剛開業不久, 已經十個想去試, 話說某日路經,但見條人龍長到好似有金執咁, 閒閒地等你一個鐘, 我自問真係最唔受得排隊,唔知點解我覺得排隊真係好哂時間, 所以就係咁一路都冇緣品嚐
早陣子在尖沙咀見完客, 四點幾飯都食, 突然靈光一閃
想起可以食一件卷蛋, 於是第一時間就梗係上open rice睇下佢健唔健在, 嘩!!仲要係名列尖沙咀甜品排名第三位! 唔駛講, 緊係即去啦!! GO!GO!GO!!!
完全唔駛什麼GPS, 只要o係加連威一直行就搵到, 終於都到喇!!!!
餓到想殺人咁滯呀!!!
比想像中都多人, 因為係平日的四點幾, 證明佢真係有佢的魅力!!!
好不容易俾我懾到個位
埋個蛋糕櫃, 緊係死都照番夠本先!!!(今次我叻左, 死都要映左相先!)
未諗食咩,個目光就俾呢幾條卷蛋吸引左喇~~~
真係睇到火都黎埋!! 呢個世界上邊有可能整到咁靚的卷蛋架!!!雖然我唔識整甜品只係識食, 但係我都真係好好奇想知道其實係點整出黎架呢??
有冇人可以話我知!?
黎一個close up俾你近距離感受一下佢靚的程度!應該係國寶級以上!
(不過好似好食就唔知
)
我見我痴左埋去個櫃度好耐, 又映相又剩, 個姐姐都冇咩理我, 我諗佢都見慣我呢D大鄉理的眼光, 由得我望餐飽先!!
上得國寶級, 個價錢都真係有番咁上下,18cm (以我專業眼光
應該切到3cm 6件到,其實係一條小學生都識計的數：18cm除3cm=6
)
即係$30件, 咁其實即係每件加多$4就可以有個靚靚外層,所以咁諗又唔算貴好多! 都要俾人賺下心機錢架!
向下掃落去就見到件我的最愛拿破倫!!
睇落去都好似好好味!!
不過,講明黎食卷蛋, 冇理由走左去食拿破倫架?! 同人講起都攪笑啦!
"喂,有冇食過Roll呀?"
"有呀!!! 食過一次超好味呀!!"
"係咩？咁你食咩味呀？＂
＂我食拿破倫囉！超好味呀！＂真係九唔搭八
我諗我的下場一係就俾人車爆，一係就全場
咁囉！
所以第一次黎Roll, 就梗係一定要試招牌的卷蛋啦！！
打開個list, 一共有9種味，值得一讚的是除了正常版之外，每一個味都設有迷你版，最占岩就是俾那些心多的朋友，又想食呢個味，又想食o個味，一次過滿足佢多個願望，唔駛佢地煩諗得咁辛苦！
迷你版對於我黎講真的太迷你，好似一啖就冇左，所以係芸芸咁多款我都係買左件大版朱古力！！試一試真功夫！(加上又好想食好甜的野！）
個卷蛋的質感比我想像中的韌，不夠鬆化，中間的脆脆好似林了點，可能是混了忌廉和份量不夠多的關係，忌廉都算香滑，但如果份量再多些就更加好了！！點為止多？你睇下上圖佢地Menu的相就知！
全靠中間一層朱古力醬帶出香濃的朱古力味！不俗！！
但老實說未能帶給我很大的驚喜！
做生意一定要有一樣主打，所謂"Signature",要令人想起某樣野就想起你！除了Signature外，都可以加多一些新的同類元素去增加收入，所以Roll就有賣現在通街都有的Yoghurt!!
還有就是小包裝蝴蝶酥，曲奇餅
禮鑵裝的曲奇
都是我最愛食的杏仁曲奇
我幾經掙扎心唸著比堅尼，比堅尼，先按住自己不買，因為你真係估唔到我攬住佢時的威力！真係有本事令佢立即消失～～～
就係呢個時候，有一個妙齡少女勁掃了五鑵，仲用一個靚靚的紙袋袋住走
我唯有繼續催眠自己。。。比堅尼，比堅尼。。。
仲有排得很整齊的Macroon,甜品中我對Macroon不是很有好感，個味我總是覺得甜得黎好假，可能是我尚未遇上一件可以令我心動的！
我坐在那兒一會，但見不同類型的產品都有人買，證明佢呢個Stragety都成功，而且外賣Roll的客人都很多，所以它才能繼續生存
另一值得讚的地方，就是店內充滿著很香的焗曲奇香味
，好似咖啡鋪要有咖啡香一樣，增加人食慾之餘，亦令人留下好的印象！
我的卷蛋王
突然想起我心目中的卷蛋王！到至今都冇人代替你地位！
台灣中山的Piece of Cake 就是我心目中的卷蛋王，想當年真的不枉我為了它特地到中山一趟！
小小的店子不是對著大街，其實不難找到，只是要探一探你才搵到！
義式巧克力捲－那一層奶油(即忌廉）的香滑程度到至今都記得！那卷蛋很鬆軟，加上巧克力醬，真的可謂完美的組合！
水果原味捲-原味又是另一番風味，我只記得不消三分鐘我把兩件食完
還在當日帶了兩件上機再食！
我諗。。。我真係愛上佢！
有興趣請瀏覽下網址：
