又是甜品姊妹團出動的時候喇!
今天來K11的目的是要來朝一下聖的!就是有成220 vs 14
的Paul Lafayet, 主要是甜品, 次要就是找一個落腳點吹水
在地下找了一會都找不到呢間Paul Lafayet, 亂咁行居然俾我地見到呢間Holly Brown, 我早前聽了K 小姐講過好想試呢間的雪糕, 咁都俾我撞到!
之但係講到明係黎朝聖的, 於是點辛苦都要搵佢出黎
點知……….
人算不如天算, 只怪我做功課做得不夠, 去到只得個豆腐膶兩個位
完全都乎合唔到我地要坐得舒服同吹水的原則
於是, 我地當然緊係轉戰剛剛見到的靚靚Cafe Holly Brown 啦!
一來到我地就貼住呢度玻璃門排隊喇!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/67/l/6XOdD_krQ3m0hhVS1gdOSw.jpg)
呢間餐廳大約可以容納三十人, 用上藍色白色, 裝修簡約, 加上牆上的畫, 令人很有一種家的舒適感覺!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/51/l/aLhCrdTlX7wNwxqTFdtuow.jpg)
因為要排一條長長的隊, 於是我地就研究食咩喇! 呢間Cafe的賣點就是賣雪糕製成的甜品! 主要分為三款, 第一款就是雪糕 x 多款topping x 大大個Waffle 筒
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/58/l/Rh7PCoN2LxPKswPiXXPxGA.jpg)
第二款就是兩個Scoop 雪糕 x 生果 x 熱烘的Waffle 夾餅
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/54/l/xQxdKgCIjhSZn0Djx6m3Wg.jpg)
第三款就是兩個Scoop 雪糕(唔知係兩定係三呢!?) x 厚多士
不過就唔知點解冇餐牌映出黎, 但見十檯都起碼有四檯會柯打呀!
一見到呢張畫就有一種莫明奇妙的好感, 要俾10個Like 佢!!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/53/l/fAXJ_u7kaI30pTLhVUvNLg.jpg)
我早在門外就被呢部機深深吸引左我的目光!!!
一見到機上的o個隻鷹, 我即刻好用好肯定的眼光對M小姐講
"唔, 我已經諗到飲咩喇!! 我一定要試呢度的朱古力!! 妳睇下, 呢部一定係沖朱古力架啦! 隻鷹緊係o個個朱古力老牌Van Houton 喇!!"
M小姐用少少懷疑的眼光回應我 "等我去睇下有咩飲先!"
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/57/l/Rxlxq1_GRqzoo38M2rny1Q.jpg)
黎一個Close up,睇真點其實有點像咖啡機, 唔通朱古力粉好似咖啡粉咁上機, 用整咖啡的方式整朱古力?
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/60/l/f9yb0EI4kohdoDOeQERngg.jpg)
差不多排到我地的時候(都等左差唔多半個鐘喇!),負責睇位的姐姐好醒咁攞左本佢地公司的Newsletter 俾我地睇,話驚我地悶呀!
其實佢睇位都唔易呀!因為呢間餐廳係半自助的形式,佢要好醒咁知道客人係去買野定係走
於是我當把握機會問佢咩野係用呢部咁勁的機去沖,因為我企左咁耐都好似見唔到有人用佢
點知佢笑笑口咁同我講話唔好意思,解釋呢部係咖啡機黎,不過係台灣買番黎只係用黎裝飾~真係O哂咀!佢都有把握機會叫我試下貓屎咖啡,我當然要睇下個餐牌先決定啦!
除了咖啡機外,仲有大型的滴漏咖啡壺,可惜當日沒有在製作中。。。
但係我就親眼見到個哥哥用Syphon煮咖啡,不過佢的手法錯哂囉,不停不停的攪,其實只係上水時攪幾下,隔一下又攪幾下,最後離火攪幾下就可以了!
曾到台灣跟咖啡店員傾談過,她都傳了不少心得給我,有機會再寫!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/56/l/OIiln2DNoGaLA0MuGIrscw.jpg)
我喜歡餐廳一邊的小角落,只是分不到我們,所以唯有等下次呀!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/55/l/6P0g30irQCHX1Pz.973K1A.jpg)
比起雪糕,我更加喜歡食筒!小時候,我成日都買雪糕筒食,依家都冇變,不過加番少少雪糕個感覺會開心D~
成排筒行哂係度,真係唔打得都嚇得下啦!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/59/l/i4atGP28N2lNuBs3Xv33NQ.jpg)
除了甜品,都有三文治同批供應,唔食甜同埋減肥人士的好選擇呀!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/49/l/8w_RV__ei.NE.sy6aY0zzQ.jpg)
由於M小姐正值減肥中, 今個星期的Quota都俾埋我!於是我地決定叫一個Waffle 分食呀!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/50/l/Nuu1XI3bkFoJlYr9dtVEvg.jpg)
當然我地梗係要選我的最愛組合: 蕉力!!但唔知做咩無啦啦就加多左個士多啤梨雪糕!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/44/l/taFragPPBBHbDMrhkTF7FQ.jpg)
Waffle 烘得香脆,因為用的機格格較大,於是外脆, 不過內軟就不太感覺到, 都只有淡淡的蛋香,我和M小姐都覺得Waffle味較甜
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/47/l/dcBmd8CPGTeqc9Nn8tUTcA.jpg)
朱古力雪糕味濃,再加上香蕉,呢個蕉力配真係無敵!
呢個時候梗係要畫龍點晴啦!加埋幾滴朱古力醬就Perfect !!!!
差點講漏左個士多啤梨雪糕,M小姐激讚為一個唔食士多啤梨雪糕都覺得好味的士多啤梨雪糕!!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/43/l/mdmjXaEo4TQEh3IFdzuKsg.jpg)
我點了一杯Latte, 咖啡用上茶餐廳的奶茶杯,裝著有樹葉拉花圖案的咖啡
呷一口真有心曠神怡的感覺!!味道真的很平均!飲一啖之後, 就令人想咕咕聲飲哂佢!!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/42/l/URz3UO4TdTDZAeH.vQ1Qxw.jpg)
M小姐叫的是Cuppacinno, 望落去同Latte都冇咩分別,呵呵,我個杯仲大杯D~
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/41/l/w9TEkgnCqrNPt8KnoSmDHQ.jpg)
其實呢個先係正門,真係好有突然離開左香港的感覺!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/48/l/csiY630K1CVYjhutf_sMaA.jpg)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/46/l/8NrUf4Pl01KpShM.Kl8n5Q.jpg)
營業到晚上十時~真是一個晚上Hea 的好地方!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/52/l/leyWxPmQQdblf30s84_m5Q.jpg)
下次我會再來試埋其他!!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/73/l/GjzWTv61hVaD4ok5mO2uzA.jpg)