7 月 20

Sweet Diary 11 – 令人充滿驚喜的雪糕cafe (Holly Brown @ 尖沙咀K11)

我愛甜品, 全部分類

1  comments

又是甜品姊妹團出動的時候喇!

今天來K11的目的是要來朝一下聖的!就是有成220 vs 14的Paul Lafayet, 主要是甜品, 次要就是找一個落腳點吹水

在地下找了一會都找不到呢間Paul Lafayet, 亂咁行居然俾我地見到呢間Holly Brown, 我早前聽了K 小姐講過好想試呢間的雪糕, 咁都俾我撞到!

之但係講到明係黎朝聖的, 於是點辛苦都要搵佢出黎

點知……….

人算不如天算, 只怪我做功課做得不夠, 去到只得個豆腐膶兩個位

完全都乎合唔到我地要坐得舒服同吹水的原則

於是, 我地當然緊係轉戰剛剛見到的靚靚Cafe Holly Brown 啦!

一來到我地就貼住呢度玻璃門排隊喇!

呢間餐廳大約可以容納三十人, 用上藍色白色, 裝修簡約, 加上牆上的畫, 令人很有一種家的舒適感覺!

因為要排一條長長的隊, 於是我地就研究食咩喇! 呢間Cafe的賣點就是賣雪糕製成的甜品! 主要分為三款, 第一款就是雪糕 x 多款topping x 大大個Waffle 筒

第二款就是兩個Scoop 雪糕 x 生果 x 熱烘的Waffle 夾餅

第三款就是兩個Scoop 雪糕(唔知係兩定係三呢!?) x 厚多士

不過就唔知點解冇餐牌映出黎, 但見十檯都起碼有四檯會柯打呀!

一見到呢張畫就有一種莫明奇妙的好感, 要俾10個Like 佢!!

我早在門外就被呢部機深深吸引左我的目光!!!

一見到機上的o個隻鷹, 我即刻好用好肯定的眼光對M小姐講

"唔, 我已經諗到飲咩喇!! 我一定要試呢度的朱古力!! 妳睇下, 呢部一定係沖朱古力架啦! 隻鷹緊係o個個朱古力老牌Van Houton 喇!!"

M小姐用少少懷疑的眼光回應我 "等我去睇下有咩飲先!"

黎一個Close up,睇真點其實有點像咖啡機, 唔通朱古力粉好似咖啡粉咁上機, 用整咖啡的方式整朱古力?

差不多排到我地的時候(都等左差唔多半個鐘喇!),負責睇位的姐姐好醒咁攞左本佢地公司的Newsletter 俾我地睇,話驚我地悶呀!

其實佢睇位都唔易呀!因為呢間餐廳係半自助的形式,佢要好醒咁知道客人係去買野定係走

於是我當把握機會問佢咩野係用呢部咁勁的機去沖,因為我企左咁耐都好似見唔到有人用佢

點知佢笑笑口咁同我講話唔好意思,解釋呢部係咖啡機黎,不過係台灣買番黎只係用黎裝飾~真係O哂咀!佢都有把握機會叫我試下貓屎咖啡,我當然要睇下個餐牌先決定啦!

除了咖啡機外,仲有大型的滴漏咖啡壺,可惜當日沒有在製作中。。。

但係我就親眼見到個哥哥用Syphon煮咖啡,不過佢的手法錯哂囉,不停不停的攪,其實只係上水時攪幾下,隔一下又攪幾下,最後離火攪幾下就可以了!

曾到台灣跟咖啡店員傾談過,她都傳了不少心得給我,有機會再寫!

我喜歡餐廳一邊的小角落,只是分不到我們,所以唯有等下次呀!

比起雪糕,我更加喜歡食筒!小時候,我成日都買雪糕筒食,依家都冇變,不過加番少少雪糕個感覺會開心D~

成排筒行哂係度,真係唔打得都嚇得下啦!

除了甜品,都有三文治同批供應,唔食甜同埋減肥人士的好選擇呀!

由於M小姐正值減肥中, 今個星期的Quota都俾埋我!於是我地決定叫一個Waffle 分食呀!

當然我地梗係要選我的最愛組合: 蕉力!!但唔知做咩無啦啦就加多左個士多啤梨雪糕!

Waffle 烘得香脆,因為用的機格格較大,於是外脆, 不過內軟就不太感覺到, 都只有淡淡的蛋香,我和M小姐都覺得Waffle味較甜

朱古力雪糕味濃,再加上香蕉,呢個蕉力配真係無敵!

呢個時候梗係要畫龍點晴啦!加埋幾滴朱古力醬就Perfect !!!!

差點講漏左個士多啤梨雪糕,M小姐激讚為一個唔食士多啤梨雪糕都覺得好味的士多啤梨雪糕!!

我點了一杯Latte, 咖啡用上茶餐廳的奶茶杯,裝著有樹葉拉花圖案的咖啡

呷一口真有心曠神怡的感覺!!味道真的很平均!飲一啖之後, 就令人想咕咕聲飲哂佢!!

M小姐叫的是Cuppacinno, 望落去同Latte都冇咩分別,呵呵,我個杯仲大杯D~

其實呢個先係正門,真係好有突然離開左香港的感覺!

營業到晚上十時~真是一個晚上Hea 的好地方!

下次我會再來試埋其他!!


Tags


​你可能也喜歡...

個案分享 - 她是如何蛻變,成為愛的磁石?

【個案分享】 他是情緒勒索的情人嗎?

這個男人是對我有意思嗎?

[個案分享] - 真正分手的原因

【個案分享】你對感情是認真的嗎?

​讓你幸福的十個理由

__CONFIG_colors_palette__{"active_palette":0,"config":{"colors":{"62516":{"name":"Main Accent","parent":-1}},"gradients":[]},"palettes":[{"name":"Default Palette","value":{"colors":{"62516":{"val":"rgb( 19, 114, 211 )","hsl":{"h":276,"s":0.83,"l":0.45}}},"gradients":[]}}]}__CONFIG_colors_palette__
​按此下載
>