H&M 呢個品牌相信作為一個會行下街的女仕都唔會陌生, 她的全名是Hennes & Mauritz AB, 在1947年由Erling Persson創立, 來自於瑞典, 分店亦都遍佈全球!
目前在香港的分店有9間, 遍佈港九新界, 都算在總有一間係你左近, 分店地址你可以睇o下下面個官方網頁:
http://www.hm.com/hk/store-locator
行親銅鑼灣，成日都見到人拿住個H&M袋，不過點都諗唔起銅鑼灣間分店係邊！？原來真係一個錯覺！當大家都以為銅鑼灣呢個血拼地帶一定有的時候
其實係冇分店架囉！
喜歡H&M 的原因，雖然未數到有十個，不過下面呢幾個都夠啦：
1) 款式夠多
無論係Causal 去海灘，去做運動，同朋友出街食飯，甚至係去party，總之你諗起咩場合咩look 都好，佢都可以照顧到你！
2) 款式夠潮夠新
每季興的元素你都總可以搵到，其中又不乏襟興的款式，所以你走入去，有Model 身型打扮入時的潮人，同時亦有媽媽輩帶同女女shopping, 當然都不乏一堆堆＂自遊醒＂
3) 價錢公道合理
樣樣都係百幾二百蚊就有交易，party dress 都四百蚊內，質地唔算太差，正因為都係玩款多，著一季就岩岩好！！
4) 一站式多款Accessory任你配
除左衫之外，仲有鞋啦，化裝品，耳環，圍巾，手袋，帽，頭飾，爸爸底底，講得出的都有， 真係成個look 都可以襯好哂出番黎！
5) 任你試到傻
百幾二百蚊一件，仲要一次過俾你攞成堆衫拿入去試，請問你仲有咩要求呢？
講到試衫，就要番今日的正題－小秘技喇！！唔知有幾多個人已經參透到當中的玄機呢？
旺角店終日都係咁多人，特別係放假的日子，我想講，你見到的係。。。龍尾，仲要係一條轉左９０度角的龍尾
睇唔清！？近少少俾你睇下：
轉左個彎入直路，條隊都有成起碼廿十幾至三十個人，跟據我個人的經驗，呢條隊閒閒地起碼排你四十五分鐘，我以前都會好似那些傻豬咁決定排，因為我唔知著起好唔好睇，唔試買左唔好睇又會攞番黎換，怕煩的我真係諗唔到理由唔去試！
某一天我就發現左個小秘技！
就係去男裝部試喇！！！！下面呢張相就係同時間係男裝部試身室映架喇！（我想話你知呢轉其實已經係我試的第二轉黎架喇！）
都係得小貓三四隻呀！！Sales 哥哥姐姐亦都冇見你係女人唔俾你去試！只要你唔介意係個男裝部的更衣室行出黎（點睇我都係一個女人，仲有放心，入面都係有獨立門，你係唔會有咩蝕的！）就可以等五分鐘換黎慳番四十五分鐘
就係咁我就揀到我靚靚的one piece 裙喇！
仲要就係，我一個仙都冇俾過出黎呀仲要有錢收番呀！！！
因為。。。
我有２件衫要換，一件$99,一件$149,但我行均都只係揀到呢條裙$199,$99那件是我自己試完去買，只可惜番到去再試覺得唔好睇，而$149我其實換唔換都得，可以咪換咁囉，兩件加埋$248,咁我買呢條裙咪要俾多$50, 所以，我唯有都係用$99加番$100換呢條$199的裙
我多口又問左句，可唔可以退番有剩的錢俾我架！？
佢話，得架，個餘數可以退番俾你架！！！！
咁都得！？真係好開心呀！有得３０日內可以換我都好開心，我真係估唔到尾數仲可以退呀！
於是成功退番$49入我的credit card !!!
順帶一提，如果你係用credit card 俾錢，你除左帶單之外，仲要帶埋credit card的slip,再出示你的credit card,你就可以成功退款喇！
離開左個cashier, 突然間諗諗下，如果咁都得，即係有機會退錢都得，於是捉左個路過係度整理緊衫的sales哥哥問一問，一如所料，原來３０日內唔剪牌冇穿冇爛，就可以原銀奉還架喇！個服務真係好到暈呀！！！！！
我岩岩就好似發現左新大陸咁開心呀！所以你真係好難怪佢長年都咁多人呀！
以前係美國，如果買左件衫，未著未剪牌，之後間野減價的話，都可以去攞番個差額呀！呢Ｄ真係好良好的售後服務！
因為呢篇網誌，我就上左佢個ＷＥＢ，原來有個造型試身室，真係好好玩架！
雖然個人黎講冇model個身型咁正，但係襯好哂一去到就試，真係可以慳番唔少時間呀！
俾你都玩下丫！
http://www.hm.com/hk/dressingroom/LADIES
