(上回提要: Hea 在Sukhothai 游完水又做完Spa ~)
經過一輪體力的勞動後, 當然就梗係要補充一下我的體力啦!!
呢個package其中一個最可愛之處就是送你2個免費的朱古力Buffet !!
每一檯都放有這張咭, 用黎一次過呢個Buffet 有的朱古力品種哂你冷!!密密麻麻的一排字, 一眼看過去都有幾十款! 唔知個真身係點o既呢?
因為要留住個肚食朱古力的關係, 所以真係打死都唔會哂位飲Latte, Mocha 這些飽肚的飲料, 取而代之就是一杯Marco Polo 茶, 老實說, 那味道真的不是我杯茶
M 先生不似我是甜品的狂熱Fans , 幸好個Buffet都有一半是咸點, 仲要係精緻o個隻, 好等佢都可以大飽口福
有小小的龍蝦沙律酥皮盒, 普通過普通的三文治~
最開心的就是有壽司不停出, 保證新鮮!!
我很喜歡的就是這個野莓撻! 我好似一口氣吃了3個, 好味的程度真係可想而知咁好味!
後面是朱古力泡芙, 入面的朱古力醬香濃幼滑, 一流!!
再來就是Afternoon Tea 必備的Scone 喇!冇食過Scone 點算去酒店食過Tea 呀!
Scone 上面仲要搽上新製的士多啤梨果醬, 佢地的合拍程度真係達到一百!!!
終於開始戲肉喇! 明明個Menu 有幾十款, 個真身睇落都只係有十五款到啦! 其實咁的格局, 一睇就知這些朱古力除了是用來就咁食之外, 最重要就梗係用黎煮朱古力飲啦!!!
呢個Buffet 一睇就知真係為我呢D Chocoaholic 而設架!
係呢個花多眼亂的情況底下, 我的選擇恐懼症又有少少隱隱的發作, 為免舊病復發, 我當然用九秒九的時間吩咐佢幫我攪掂佢啦!!
佢係邊個!?佢就係酒店的餐廳經理喇！因為佢個樣唔算太標青的關係，好快我就將佢個名忘記得一乾二淨了！！（真係要高八度同佢講聲～Sorry~~)
佢的出現正好將我的煩惱踢走，我只須將我想要的口味話過佢知，佢就會自己加加加咁幫你煮一杯熱朱古力！我要的是味要濃加苦的，所以都用了很高可可濃度的朱古力！
佢一路煮我一路問佢係點入行，我曾有想過做一個品朱古力師，有一排都有介紹過香港好似係Four Season 有一個品朱古力坐鎮，不過其實佢都同其他的沒有什麼分別，都是由品酒師開始，要練出一條好利同一個好Nose~ 就可以加入行列
不過到至今都未有搵到有咩Certificate 係可以Certified 一個品朱古力師～
趁熱我就慢慢的品嚐了這杯即場製的朱古力奶，到至今仍記得那股香味呢！
真的令人太感動！
一食完Tea 飯氣攻心，就小睡了片刻，真係過住一些食，訓，Hea的生活
一訓醒懶得行，就移了兩步的玉步，真係兩步不消三分鐘，我地就到達了傳說中的星級泰菜館 – Celadon
星級餐廳果然真係星級，一去到Reception 就問我地訂了幾多點，佢咁問即係個個黎得的都有訂位架啦！
我地就當然表明我地係＂行入＂的客人，不出所料，真係要等一陣子
要等就梗係周圍睇下野啦！個Reception 位都很大，樓底亦高，所以空間感十足！
我很鍾意映走廊相，看到盡頭的那一點就是目的地
呢個都真係一個很好的Markering 策略，＂賜我名片，給你一個中獎的機會！＂咁自自而言就知道呢間餐廳吸引住咩客人去食喇！
你信真的有抽嗎！？嘿嘿嘿！
給你一個估中冇獎問答遊戲～圖中的椰青你估要幾多錢！？（答案請見底）
餐前小食係脆，脆同埋脆，食落卡卡聲我其實真係唔知自己食緊Ｄ咩
就係呢個時候，小食拼盤出現了！同時亦都係惡夢的開始。。。
請別問我之後的野好唔好食，我真係唔識點話你知！
你依家一定心諗＂下！？唔通好難食！？但係唔係丫！睇個樣都真係唔差架！＂
食物本身真係沒有問題，出問題的是我的心情，真的突然跌了落谷底
所以自己食咩都冇哂心機，亦冇哂味覺！
咩事咁嚴重！？
依家請你合埋你的眼，幻想一下你對腳，突然間一隻好痕，你掃下佢，越掃越痕，仲慢慢蔓延到你另一隻腳，你不停的掃，開始你感到兩隻腳每隻腳脹了十多粒好似五蚑咁大粒的蚊"懶＂。。。你還有心情食嗎？
o個刻真係好驚發生首宗因蚊咬貧血而死的事件
於是我進出了洗手間多次希望用水令到佢冇咁痕，但都係冇用，大粒到咁我最擔心就係有＂啦＂，變左梅花點腳都真係唔知點算！？
個Reception姐姐最多都只係提供到蚊怕水，她仲話係好多水蚊。。。不過估唔到有人會咁惹蚊
老實說食物都不是很一食就味吉陽一的Frd上身咁大叫＂好好味！＂只係尚算有水準，加上我的壞心情，真係食咩都唔好會覺好好味！
連食左幾多錢我都係好記得，因為歸心似箭要番上房睇下有冇帶藥膏
（好似要五百蚊樓上。。。）
（就是要ＨＫＤ６０一個的椰青，街邊開仲甜過佢，佢貴就貴在出現左係呢間高級的餐廳！）
