良朋歡聚的日子又到了! 今次由C先生選址, 同親佢食我都會將呢個責任交俾佢, 每次都唔會令人失望, 真係好!
今次佢提議去食川菜, 我第一個反應問佢"下!? 辣唔辣架?! 我唔係好食得辣架!?"
佢話唔係所有野都係辣架, 不過見我咁o既反應, 於是即刻就問我如果係咁, 駛唔駛轉去食日本野, 係我回答佢之前, 我就上去佢俾我的openrice 連結睇下呢間野有咩好食
笑笑都算多, 亦都唔係味味都辣, 為左唔辜負左友人C的一番心機 於是我就決定一試喇!!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/62/l/LXo.v9YFoC0ZF2OQEL_lMg.jpg)
呢間原來都算係得獎的熱店!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/66/l/Y89mmP5HyT7wP7jUT2BjMA.jpg)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/87/l/h6ER_ixAcT1324hOpeaaew.jpg)
這間雲川閣位於美麗華的四樓, 地點都算十分就腳, 不過奇就奇在, 一來到門口, 居然冇reception 係門口….
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/88/l/hLKZYO7PhGWgiGs82u0csA.jpg)
於是我行入去等左一陣, 先至有個侍應理下我, 因為C 先生訂左位的關係, 我地就被安排係一間比較靜的偏廳入面, 同場有一檯外國人, 及後一檯日本人, 再來一檯大陸人!
於是我地就可以高談闊論, 口沬橫飛
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/95/l/QG5ZPMLmLY5v.uPB__qHnw.jpg)
餐牌個感覺好配合間餐廳, 一見到紅色就好自然會諗起辣!!!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/97/l/ZS25ZWX_yKb.P7uSPdwFiw.jpg)
款式十分多, 多到你都唔知揀咩食好! 有前菜, 海鮮類, 肉類, 菜類, 點心, 炒粉麵!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/94/l/YN149BU5gCY.DwrOzEmnuw.jpg)
小妹對川菜真係冇咩研究, 不過好得意的係, 打開個甜品餐牌, 好似食緊北京樓, 因為佢有我最鍾意的高力豆沙!!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/93/l/hI8BcuuuMEUOnZjZw2M3GQ.jpg)
除主餐牌外, 仲特設左一個小的推廣餐牌 – 環球麻辣嘉年華!?
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/98/l/FJz07mj4uOuwWU.2bjFCXg.jpg)
原來係用世界不同國家的食材以麻辣的方式泡製, 咁當然我打開睇下又合番埋啦!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/99/l/tJHEkuJFo6TV0AJhckNwsw.jpg)
於是我就叫C 先生發版, 他一來就點了個夫妻肺片…
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/91/l/das6W1ORTnDpvvbRrw2X.A.jpg)
同口水雞!!
佢係咁話都唔會好辣,可以一試,同場另一位C先生比我更加唔食得辣,佢一邊食,一邊喪駡!高呼"又話唔辣!?
C先生一面無知話"個餐牌都係加左一隻辣椒,鬼知你會覺得咁辣咩?"
於是另一位C先生反撃拿起餐牌"係3隻!最辣呀!!!"
![](https://www.hkicons.com/_2391.gif)
C先生為左安撫佢即刻叫左個啤酒,幫佢降下溫!
老實講唔算係好辣,不過食多幾啖我對孖潤腸咀就出現左咁解~
於是我繼續食,深信有一日會練到即使食到幾辣都好,孖潤腸都不再出現
鍾意食辣野的朋友應該會覺得呢兩味唔錯的!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/96/l/OUhm0frsNJGL.jtkyDnrWQ.jpg)
燈影牛肉係我一定要叫的!(我見係個招牌菜!)
果然沒有令我失望,香脆的牛肉加左芝麻同蜜糖,甜甜的,一食就覺得幸福感滿瀉!下次呢個都會變成必食!
![](https://www.hkicons.com/_2217.gif)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/92/l/17TMvKOoeHcEwhaxh0RQpw.jpg)
還叫了一客雞汁鍋貼, 一客四只, 個餐牌好似仲有個手指公話係要必食, 不過可能期望有點過高, 我覺得個皮太厚, 又冇左期望的雞汁係隻鍋貼度爆出來, 所以都屬一般, 沒什驚喜!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/84/l/fhWhZflMTLqUfCtXNR9FbA.jpg)
唔好誤會呢味咕嚕肉, 呢味係叫糖醋里脊, 算小妹真係唔係好識食中菜, 我唔係好知用料有咩唔同, 因為食落去的感覺都真係一樣咁o既!
甜酸度適中,空口食唔駛送飯, 我地都成碟食哂!
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/85/l/lXZLhSeolkaT1nQ_s3JKEg.jpg)
呢碟都好有驚喜! 從未試過咁好食的炒年糕! 佢的好味之處在於每一件年糕在炒之前都是撲了少許粉炸過的! 外脆內軟, 軟得黎又比一般的年糕那種拉極都唔斷的感覺!
再加上是剛炒好, 熱辣辣入口, 真係炒年糕的表表者!
![](https://www.hkicons.com/_2374.gif)
![](https://blog.yimg.com/3/evtEdI57s5.FqWSVHaxSS.rjTdT6fYVlGIJ1_oqbG2Pnuu4RcPTuXg--/89/l/hBW8dNJCXEyvc4vqDg2CiA.jpg)
係美麗華食飽飽, 最好的節目就梗係去隔離的諾士佛臺開番支白酒嘆一嘆
![](https://www.hkicons.com/_2174.gif)