5 月 4

Sweet Diary 5 -令人嫌惡的朱古力 (awfully chocolate)

我愛甜品, 全部分類

2  comments

令人嫌惡的朱古力!?極度的朱古力!?

是日血拼日, 我經常都對自己好好,行行下突然間感覺到不勁,有股吸力將我吸埋左去角落頭

是什麼?!就是那令人嫌惡的朱古力(awfully chocolate)!

Yahoo 字典入面Awfully解 令人嫌惡地/惡劣地,或是極度地/非常地,譯得十個奇怪(睇黎都係信唔過)!我覺得佢係講緊令人嫌惡囉!(純粹個人意見,與yahoo blog無關)

嫌惡1-春天已到,警號已響起,但係佢個勢真是太強,點都吸你過去,我最終都係敵不過,乖乖將修身迎接短裙小背心的計劃延遲一天

除左來來去去的朱古力蛋糕外,依家賣埋雪糕

嫌惡2-一個6"要買成$198,仲要買左先有真身睇!唔通通脹真係咁緊要!?(我早前見過好似$168一個)

朱古力加香蕉係本人認為史上最強的組合,我問店員6"即係幾多磅到!?

佢冷冷拋左一句"一磅到啦!係咪要!?" 我當然二話不說,指著說"係呀!要一個chocolate banana"然後乖乖地俾錢, 為左呢個蛋糕要令我忍氣吞聲, 仲話唔係嫌惡!?(可惡呀!!)

嫌惡3-食完覺得佢更加嫌惡,因為一定係落左藥,令你上左癮停唔到係咁食!

一個人真係食唔哂,是夜回到老家,真的要好好孝敬父母一下,一買完就向媽媽預告今晚加料有好野,唔好煮咁多,因為每次我番屋企食飯,佢就好似招呼上賓煮九大簋,四個人食十個人份量的餸

點知飯後時候到的時間,佢一打開個盒,打左個突,忍唔住拋左一句

"下?咁架Ja?個蛋糕咩都冇o既?我仲以為有咩花巧野,鋪下生果都好丫"

我話"你食下先啦!" 雖然我都未食過,但見好評如潮,仲要越開越多間(銅鑼灣,尖沙咀,旺角都有,心想必有其個人之處,都唔會衰得去邊掛。。。(祈求神靈的眷顧一定要好味呀!)

面頭係一層朱古力包著整個蛋糕,中間是朱古力海綿蛋糕夾著兩層香蕉

平實就平實點,但內涵真的很緊要!好似男人一樣,有樣就緊係好啦(當做Bonus),但係得個樣咩都冇就死得啦!

第一啖食落去感覺不太大,幾好食咁囉!食多兩啖就出左事了!有追住要食的感覺!

蛋糕質地鬆軟,面層朱古力香濃不太甜,香蕉令蛋糕變得有少許濕潤,入口香蕉味同朱古力味都合二為一,變左一隻味!

媽媽一路吃,一路說食不到香蕉味呀!再三強調吃不到香蕉味呢!

於是她又切多件話要試真點!又問老豆食唔食到,要唔要切多件食真點!

居然用呢招!我當然唔會阻止佢啦,結果。。。他們就鯨吞了整個蛋糕!

$198都總算抵俾佢,一次過食哂其實都真係好多,好滿足

(突然發現又是香蕉,一直都唔覺得自己鍾意食蕉,但係似乎食親的都是香蕉甜品,點解暗地裡咁喜歡呢?真係要留意下先。。。太奇了)

地址:旺角亞皆老街8號朗豪坊4樓20號舖

Tel: 2375 0055


Tags


​你可能也喜歡...

個案分享 - 她是如何蛻變,成為愛的磁石?

【個案分享】 他是情緒勒索的情人嗎?

這個男人是對我有意思嗎?

[個案分享] - 真正分手的原因

【個案分享】你對感情是認真的嗎?

​讓你幸福的十個理由

__CONFIG_colors_palette__{"active_palette":0,"config":{"colors":{"62516":{"name":"Main Accent","parent":-1}},"gradients":[]},"palettes":[{"name":"Default Palette","value":{"colors":{"62516":{"val":"rgb( 19, 114, 211 )","hsl":{"h":276,"s":0.83,"l":0.45}}},"gradients":[]}}]}__CONFIG_colors_palette__
​按此下載
>