6 月 17

泰開心Day 5 (Part 2) – Thong Lo 的芒果糯米飯

遊歷世界, 全部分類

1  comments

(上回提要: 係Phorm Phong 的Emporium 好有藝術氣息咁行完呢個TCDC …)

我地就搭BTS 兩個站就去到Thong Lo, Thong Lo 係一個好多日本人聚居的地方, 點解要黎呢度? 為的就是堪稱全泰國最好味的芒果糯米飯!

去搵呢間傳說中的店 (Mar Varee) 真係易過借火, 我唔畫過圖過你跟住行你都一定搵到,只要係3號出口(轉車站的右手邊), 如果有兩邊樓梯都係轉右身邊, 落樓梯後一直行到大街, 再轉你的左手邊, 走多兩步你就會見到那座芒果山!!

只要就住右右左就會快人一步, 理想達到!!

除了芒果飯外, 仲有唔知係咩的泰國小食賣!

個人黎講對下面呢堆生果都冇咩好感 (除左條苯奶奶之外)

我成日都覺得山竹一 MIT 開就有好多蟲, 即使係冇虫都好, 我硬係"凝"住佢滑溼溼咁,諗起都打冷震

終於見到今日的主角芒果喇!!!有70Baht 一個架啦!

仲有分80 同100 咁啦! 有咩分別老實講又唔係好食得出, 不過泰國的芒果真係超甜, 甜到好似個個都打左糖水咁! 肉色就較呂宋芒為淺色, 如果你問我, 講香其實係呂宋芒香一些, 但係泰國的芒果仲係有種無名的吸引力, 唔食兩個都對唔住自己咁!

除了芒果, 還是芒果!!

唔知點解呢盒三色飯好似一個盲點咁, 我咁耐都冇試過, 後來再番看旅遊書, 先至知道原來三色係好野黎呀! 除左你成日都會見到的黑白糯米外 (其實係香港多數芒果都只係識配黑糯米, 都真係唔知點解) , 另外中間就是罕有的綠色糯米飯, 其實綠色就係黎自斑蘭葉呢!

其實點解要上長水遠搭兩個站黎買芒果糯米飯呢?

1) 因為多人買, 流量快, 確保新鮮

2) 30年老店依然屹立不倒, 一定有其過人之處

3) 最欣賞就係佢那包脆脆( 應該係綠豆黎) , 加埋芒果同糯米飯和椰汁, 真係叫我肥十磅都濟! (如果可以選就五磅好喇)

4) 除左買糯米飯外, 仲有個芒果山俾你慢慢選, 一次過滿足你兩個願望

最後就是它係24小時營業, 行夜左都仲可以去買, 唔駛擔心冇得食 (但係糯米飯呢D 要整, 咁就梗係限量發售啦!)

於是我地一人兩個芒果~

仲要係4盒糯米飯,留番兩盒第二晚食

(不過我想講原來雪過就唔係好好味,D飯會硬哂,所以都係想食又搭去買會好D囉!)

黎泰國如果冇食過芒果糯米飯真係唔好話去過泰國,呢個真係必吃的項目!

仲個網頁過你地參考下:

http://www.maevaree.com/maevaree_eng.html

(除左泰文外,都有英文,好彩!)


Tags


​你可能也喜歡...

個案分享 - 她是如何蛻變,成為愛的磁石?

【個案分享】 他是情緒勒索的情人嗎?

這個男人是對我有意思嗎?

[個案分享] - 真正分手的原因

【個案分享】你對感情是認真的嗎?

​讓你幸福的十個理由

__CONFIG_colors_palette__{"active_palette":0,"config":{"colors":{"62516":{"name":"Main Accent","parent":-1}},"gradients":[]},"palettes":[{"name":"Default Palette","value":{"colors":{"62516":{"val":"rgb( 19, 114, 211 )","hsl":{"h":276,"s":0.83,"l":0.45}}},"gradients":[]}}]}__CONFIG_colors_palette__
​按此下載
>