(上回提要: 話說我地食完一頓豐富的早餐 …..)
我就回府換上我的噴血桃紅比堅尼, 拿著我的書, 就到游泳池去嘆一個下午~
泳池邊有這款梳化或太陽椅任君選擇
我地就緊係要選太陽椅訓係度先至似係度假, 這兒的服務很好, 一坐下, 服務員就會遞上芒果味的Mocktail , 一支蒸餾水, 還特設小型芭蕉甫扇, 稱之謂消暑三寶
當日可能天色都不太好, 有點凍, 所以人都不是太多, 只有小貓三四隻, 感覺上比半島的那個泳池更靚! 你一定會以為我著哂比堅尼一定會去游下水, 那你就錯了!!
講個秘密過你知, 我係唔識游水的!!想當年小學六年班學唔識之後，一路都冇再去游水，我其實又唔係驚水，到依家都諗唔明當中出了什麼錯
所以去親旅行要游水的時候，我要落水，都要樣衰衰咁問個哥哥仔有冇浮版，冇錯！係浮版！！通常佢地都會滿面笑容話有！但我feel 到佢的眼神都在陰笑我！
不過，WHO CARE? 我係唔會介意人家奇怪的眼光，因為我真係唔識游，亦都冇規定超過１８歲唔用得，只要M先生唔介意我用就得喇！
老實講，好日都唔落下水，一落水個感覺都有些怯怯o地,好在很快又適應
（
加油呀王姬！下次去你要識自己游！）
話咁快就hea 左兩個鐘，夠鐘去做Spa, 入住得呢間貴族酒店，當然就緊係要試下佢個Spa 啦！由游泳池行５分鐘，我地就黎到呢個Spabotanica
環境都十分優雅舒適
真係十個期待呢個Spa, 終於都來到呢個門口，真係要鬆一鬆！！
我地就安排在這兒填問卷
鏡頭一轉就已經到了房內的浴室，當然出浴照依舊欠奉，但係呢個複雜程度達到一百的花灑又真係要介紹一下，先先頭頂有個用黎兜頭淋的
再來就係唔好識少呢條鐵，見到上面有２粒白色的粒粒!?這些粒粒唔係普通的粒粒，而係會噴水的粒粒！咁一定就要試下，點知，一開，成粒野飛左出黎(圖中), 整都整唔番
攪左一陣都唔知點可以較上面個頭頂唔淋水，把鬼火都係用側面呢個！
洗水盆（冇咩特別）
終於都俾到個房你睇下，老實說不知是否我地的期望太高，這間房真係比我們想像中的差很遠，而且收費不是平，每人都要Baht4900 (如果我冇記錯)，但係我記得一定要港幣千多元做個半鐘香薰推油，技師的手勢又不是特別好，比起半島同Devarana 的環境及服務都差得遠
你看到那層可望到出面的窗簾嗎？我地邊換衫就邊睇住個員丁叔叔剪草，咁換言之，佢就邊剪草邊睇住我地換衫
所以我地都快手快腳＂拿拿林＂著番衫，免得益左佢！
當然我地及後緊係問個姐姐點解會有咁的設計，佢都見怪不怪，話年中都俾人問N次，呢個係一個神奇的設計，只有你見到出面，出面係睇唔到入黎！
(哈哈哈！！事後我地真係特登行去睇下係唔係真係咁，哈！算佢又真係冇呃我地！）
最驚喜莫過於呢條甜品，話說我見到個樣就冇打算放入口，點知M先生一食，冇哂表情，我問佢係唔係好難食，佢話你食下先啦！
我一放入口，真係估佢唔到咁好食，佢入面係綠豆蓉黎架！睇個樣就似係泰國的地道小食
到依家都懷念這個甜品！
(及後我地居然係飛機餐上面再遇上，咁普遍的野真係唔知叫咩名呢？）
