泰開心Day 4 (Part 1) – 貴族酒店 Sukhothai的早餐

16/04/2021

遊歷世界, 全部分類

0  comments

minutes remaining

(上回提要: 去完血拼Central world 後。。。)

一日之計在於晨,早餐對我來說真係好緊要,有時下午飯可以唔食,但係早餐就一定唔可以唔食。

呢個trip我每日都訓得好好,訓到唔到最後一刻都唔起身,最後一刻就係指仲可以趕得及俾我嘆番一個鐘的靚早,所以每一日我都較早些起身,執好番哂眼耳口鼻,我先叫醒M先生,體貼咪就係咁囉!

自助早餐在Lobby行前少少的餐廳(咩名我都唔記得左,點解呀!?!?!)

我這次住這間酒店都唔係見到好多香港人,同半島好唔同,一食早餐撞口撞面都見到香港人,我諗去旅行唔想見番香港人,聽到廣東話都真係人之常情掛!?

空間感十足,每張檯都隔得遠遠的,雖然唔係講咩秘密,但係真係好怕檯貼檯,我被迫聽哂人地講咩之餘,同樣,佢又要聽哂我講咩,真係何苦呢?

呢個就係望出去的景致,在這些環境食早餐,請問你還有什麼投訴呢!?

檯上的擺設一流,很漂亮~~

連胡椒鹽樽個樣都Classic 過人,感覺都高雅些

由於沒有港式奶茶的關係,只好轉飲Latte ,同樣都不俗

我居然每一日都冇去映到各counter相,因為每一朝我地都要用九秒九的時間去掃哂所有鍾意食的野,然後乖乖地慢慢係度食,如果唔係個Buffet 就收左

(你唔打我,我都要自打

只係映左個小小的生果Corner, 唔知係唔係我每一朝都比較遲,所以都冇芒果,定還是原本都冇芒果,咁就真係不得而知了!

其實仲有很多款式,麵包Corner, 日式Corner (有壽司), cold cut,芝士,沙律Corner,Cereal Corner, 西式Corner, 即叫Waffle, 另外特設每日鮮搾Fresh juice 

早餐有Bagel~~~我之後就整左個Smoked Salmon + Cream Cheese Bagel !!

睇呢份早餐個樣係唔係好得呢?蛋都係即叫即煎,我最享受的係切份早餐切得靚靚!

Prama Ham 都有得食,真係好開心呀!須則不是黑毛豬,但早餐有此供應,都算是一個Bonus !!

每一朝都是這樣,放到一檯都是,之後就食到十一點,真係梳干~~

服務都是一流,當中有個女仔叫Anne,笑容十分好,記性又好,她會試記每一個客人的房Number (咁當然你第一日去食佢就緊係唔知啦!),你覺得佢真係好有熱誠,俾你一個好Welcome 的感覺

另外她好令的有印象的就是,話說有一早個冷氣真係太凍,我即管問下佢可唔可以較細些個冷氣,佢即刻去幫我,她又真係沒有敷衍我,好明顯我都真係感覺到個冷氣係較細,較完之後亦好有交代跟我說已較到最細。

有一幕就是我她拿匙羹,當時她正拿著咖啡,她亦極速走去拿給我,真的令人感覺很好,好過香港成日都遞到送機咁的手,都冇人理你,個個對眼都生左係頭殼頂上面只係望到個天花,所以做服務行業個心真係好緊要!

環境優雅不單止,再加上咁優質的服務,真係加分!!


Tags


你可能也喜歡...

【吸引力法則實踐】吸引力法則 | 4個習慣 改變你一生 | 成為閃耀的自己 (廣東話附中文字幕)

【吸引力法則實踐】吸引力法則有求必應 | 成功個案分享 – 她究竟做了什麼讓她的工作不斷有奇蹟發生?(廣東話附中文字幕)

【吸引力法則實踐】 吸引力法則有求必應 | 一個行動 女客人成功遇到真命天子 她究竟做了什麼? (廣東話附中文字幕)

【吸引力法則實踐】 三個愛自己行動 讓自己成為愛的磁石 |提升頻率時刻也充滿愛 好好相愛 (廣東話附中文字幕)

【吸引力法則實踐】 恐懼時怎辦?我不想吸引更多負面!|怎樣避免吸引力法則負面效果!? (廣東話附中文字幕)

讓你幸福的十個理由

>