泰開心Day 2 – 避世之旅Alila Breakfast + 夢幻Alila Spa

01/03/2021

遊歷世界, 全部分類

6  comments

minutes remaining

(上回提及:我們因為地方太僻的關係,焗住留在酒店吃,結果食左去泰國有史以來最物非所值的一餐!由於只係食左主菜都係吃左一半的關係,我們當晚就開左一個Mini Bar 大餐,有果仁朱古力,生果片,再加香脆薯片來彌補個肚的空虛感)

一覺醒來已是十時多,執番眼耳口鼻都差不多十一時,就即刻飛奔到餐廳吃自助早餐!(好彩個早餐都至到十一點半)

由於昨晚的打擊實在太大,我們對這早餐都不抱很大的期望,但至少都要醫飽個肚,去旅行其中一個最基本的條件就是唔好餓親,一日要起碼食足五餐(早餐,午餐,下午茶,晚餐,消夜),先至叫做對得住自己!

個自助早餐比想像中多款式,先來就是一個西式corner, 腸仔,火腿,薯餅,茄汁豆,煎蛋,奄列

蛋真是我的必吃, 都沒有期望有Benedict, 最失望莫過於消失了的Egg Corner, 隻蛋唔係即場有個人企係度煎!

呢個係中式Corner, 奇怪的是我每次去旅行都好少拿中式點心, 可能真是quota有限,加上始終對外地整的中式點心存有戒心, 而且我自問是西人(笑),不至於幾日都思鄉病發要吃中國野

鮮榨果汁 + 鮮奶, 去泰國不知怎的最喜歡飲的竟是菠蘿汁

沙律的配菜選擇亦不少, 最令人驚喜的居然是有膽固醇個Frd 鵪鶉, 高呼一句膽固醇萬歲, 放心的食幾粒

睇粟米的樣好明顯就是由原條的粟米片出來的, 滿心歡喜的咬下去, 怎知,都不及鑵頭的甜

最完美的沙律組合 = 車厘茄 + 粟米 + 青瓜 + 生菜(最好係Romine) + 麵包粒 + 千島醬/French dressing

自助早餐的第一碟我多數都是由沙律 + 麵包, 用黎清腸胃又可以飽肚 (但當然之後都會KO 多幾碟)

設有一個mini 的cheese corner

甜品corner – 但是晨早留留真的吃不下甜的東西(睇黎我鍾意食甜品的程度都未去到痴的程度

粟米片都是我其中一樣必吃的, 不過, 我好怕飲奶, 所以對我來說粟米片比奶的黃金比例是2:1 , 仲要係即拿即食, 粟米片未浸林哂就要即食, 係唔係好煩呢?

Pancake加Waffle Corner – 有多款自家製的果醬, 賣相不差, 但不是即製, 所以我都係用來塗烘多士好了!(明智)

當然生果是到泰國旅行最重要的一環!!但奇怪的是,我發覺自己拿來拿去最多的都是西瓜!!

早晨我一定要來一杯回魂奶茶, 但去旅行當然不能奢望什麼, 因為酒店只能給你一杯奶水 – Ceylon tea with Milk,所以我寧可要一杯咖啡, 而Regular Coffee對我來說太濃, 所以Latte 就剛好! 呢度的Latte 賣相, 香味及味道都極之好!

通常侍應都只會問你要Regular coffee / tea, 轉Latte 是不要加錢的,所以記住要request 呀!

他們閃人真的閃得太快,突然好似係電光火石之間成隊兵(一行十人)沖出來,狂風掃落葉咁掃走哂所有食得的野加埋D爐!

嘆完早餐待了一會, 我們就去做Spa, 我們早在第1日Check in 後已來Book Spa, 你知啦! 呢個地方唔做Spa 都唔知可以做什麼來打發時間了!

Booking 都算Full , 即使你是住客, 但是沒有什麼特別的折扣或Promotion

先來一杯薑茶來提一下神!

我們選了1.5鐘的香薰按摩, 盛惠2800 Baht (約七百元港幣) , 有三款香薰油供你選擇, 我們嗅過後, 都心有靈犀選了中間的Conscious Living

一入內十分簡約, 吉吉的….. 

我們沒有特別加插浸浴的環節, 所以就出現了一個乾池

浴室都沒有什麼花巧的設計

那就更加突出到房的夢幻感和空間感!!!而且技師的按摩技術不俗, 很溫暖且恰到好處, 真的消除了我肌肉的辛勞, 絕對值得一試呢!!


Tags


你可能也喜歡...

【吸引力法則實踐】 吸引力法則失效? |為什麼負能量爆燈都能創造想要的? |你教我怎辦?

【吸引力法則實踐】 一個行動 讓你真正想要的願望成真 | 你我都能做到!

【吸引力法則實踐】 吸引力法則帶來反效果? |寫了感恩日記後失戀又失業?|一個訊號 讓你知道宇宙在回應你的願望

【吸引力法則實踐】吸引力法則 |幫助你去臣服宇宙 |跟衪共同創造你想要的!

【吸引力法則實踐】吸引力法則 |三個想法 跟宇宙共同創造無限可能性 |你我都能做到!

讓你幸福的十個理由

>