6 月 9

佐敦集體回憶 – 陳永泰

凡間日誌, 全部分類

0  comments

某日路過佐敦, 驀然發現有一間又賣羅庚, 又有得賣書的小店, 於是作為書虫的我,當然就入去一看啦!

抬頭一看, 就見到店名就叫陳永泰風水命理, 以我偵探的頭腦推算, 店主好可能係叫陳永泰

,信不信由你!

叫得做風水命理, 賣的當然是有關玄學的書, 但呢個都唔係今日要講的重點

今日的重點就是要黎一個集體回憶, 先致聲明小妹雖已入中女之列, 但我細細個都未睇過下面的書

, 集體回憶係俾你地架!係唔係對你地好有心呢?

百菓酒係咩黎架呢???見到呢本書係咁掛住映我都冇去掀下, 真係捉到鹿都唔識脫角咪就係呢D囉!!

笑話系列有兩本, 基本上你見到個封面唔駛打開佢就會識得笑, 古老當時興, 個設計真係十個得! 簡單,直接! 係唔係呀! 你睇下你都忍唔住笑呀!

呢本就唔知想點喇! 我當然就緊係冇打開研究啦! 又係齋睇個封面我都笑到飽啦!

再黎就係魔術系列, 因為真係太攪笑, 我都冇咩理個老闆娘, 係咁搏老命咁起勢映, 佢見到我好似大鄉里咁係咁映相, 都冇我咁好氣, 冇特別去阻止我, 任我影, 真係要多謝佢的大方!!

我依然都係冇咩掀過本書, 不過入面圖文並荗, 想當年都應該培養個很多現在已變了中佬的魔術師!!

以前真係咩書都有, 唔知呢本又賣成點呢?? 真係笑爆我個咀, 入面的case 唔知係唔係抄警訊的, 定係個作者自己憑空想像的呢?

最緊要都係佢封面呢句: "一本在手,以免被騙" , 我從來都只係知"一咭在手, 世界通行"架喳!

想當年唔知賭神入面的橋又係唔係抄佢架呢?正所謂橋唔怕舊,最緊要受丫嘛!

呢本真係最最最緊要,所以就安排左佢最後出場

見到個封面,你驚唔驚呀!?

睇黎我地都賺哂喇!

店子雖小,但都足以令我過了愉快的一天! 


Tags


​你可能也喜歡...

個案分享 - 她是如何蛻變,成為愛的磁石?

【個案分享】 他是情緒勒索的情人嗎?

這個男人是對我有意思嗎?

[個案分享] - 真正分手的原因

【個案分享】你對感情是認真的嗎?

​讓你幸福的十個理由

__CONFIG_colors_palette__{"active_palette":0,"config":{"colors":{"62516":{"name":"Main Accent","parent":-1}},"gradients":[]},"palettes":[{"name":"Default Palette","value":{"colors":{"62516":{"val":"rgb( 19, 114, 211 )","hsl":{"h":276,"s":0.83,"l":0.45}}},"gradients":[]}}]}__CONFIG_colors_palette__
​按此下載
>