by 王姬 

Sweet Diary 9 – Rice Paper @ Festival Walk

23 6 月, 2011 in 我愛甜品, 全部分類

0 shares

甜品兵團又出動了, 今次去的地方就是位於又一城的Rice Paper, 貪佢地方就腳之餘, 最緊要都仲係Tea time 又唔駛等位, 坐得舒服, 如果唔係對住個冰場而係對住個海, 真係又黎左一個短暫旅行一樣咁呀~

檯與檯之間隔得勁開, 咁先可以滿足到我地對甜品的慾望之餘, 更可滿足三個女人一個虛, 暢所欲言的哥懾哥懾心態

餐牌就用左的最鍾意的紫色, 真係未打開都有好感了!

我地當然係一人叫一款食過夠啦!今日就等我地黎睇下餐牌同實物的分別喇!

French Kiss (睇唔到係$38定還是係$58~)

一聽呢個名就知到勁啦! 即係一食就叫人慾罷不能o個種, 好味到停唔到口!!聽大廚講呢個係鎮店的甜品, 銷量係咁多款甜品之冠!!

呢個甜品就係用左紅桑子雪葩+杏仁脆糖雪糕三文治

全部都係新奇的配搭, 梗係要一試啦!!

大家有冇發現到個實物同個真身有咩唔同呢?? (俾你3秒時間, 3…..2……1)

叮叮叮, 夠鐘! 個不同之處就在於個餐牌內的雪葩係應該比個三文治係細, 而個三文治又應該係厚番些少, 依家好似有點妹仔大過主人婆咁 (不過其實呢個都唔係重點黎o既, 食落去好食就得~)

其實我個人唔係好受得那些好fresh, 好酸的野, 所以我第一啖都係試左個底先

塊脆餅都真係好脆, 完全係冇呃你, 而且仲帶有很香的牛油味! 值得俾佢10個Like!

再加埋佢地用上鳥結糖的自家製雪糕, 雪糕香滑帶有濃濃的鳥結糖味, 仲有粒粒碎了的杏仁加強左個口感, 所以真係要再俾佢10個 like!! 

大廚既然諗得到用上呢個雪葩, 除左令個賣相睇落去"拎拎" 之外, 都應該自然有佢的道理, 於是第二啖就梗係要加埋呢個雪葩一齊食…(如果叫我就咁食個雪葩我諗我唔得)

一咁食之下, 我個樣就好似咁…..

本來好冧仲沉迷係脆餅鳥結糖的香甜味, 加入左紅雪葩後, 突然俾人叫醒左咁!

好刺激!!!!

個酸味中和左個香甜味, 令人的精神為之一振!!真的是小妹的誠意推介!

(我已經決定左下次我要一個人叫呢個獨食!

)

大家唔好誤會, 我雖然係鍾意食香蕉製的甜品, 不過呢個唔係我叫的!

下一味就係呢個香蕉千層酥配雲呢拿球($48)喇!

老實講呢個真係好普通, 不是太好味, 賣相其實都OK, 我欣賞佢加左少少糖製造左呢個燒焦的香蕉, 不過一切開, 個千層酥皮厚厚的又唔太脆, 我諗呢個位都真係扣左唔少分呀!

先該就提議食個朱古力梳乎喱伴焦糖雪糕冇咁嬲!(最衰都係我, 我一見到千層酥三個字又逃唔出佢的魔掌!!)

最後出場的就是我的椰香芒果黑糯米. 榛子脆糖

睇個餐牌的賣相就不俗喇!

真身都幾討好!! 好似女仔咁都有化妝出街!

食甜品我最喜歡配的飲品唔係咖啡, 因為咖啡有奶, 食完再飲杯就會令人好飽!!!!

所以如果有得揀,我會飲青檸梳打!耐唔耐飲杯有氣的飲品個人會即刻舒服哂!

去完泰國之後,耐唔耐就要食下芒果飯,以一解單思之苦,唔知呢個芒果糯米飯幫唔幫到我呢? 希望佢又華又實,而唔係華而不實啦!

狠狠的一匙切落去!

椰汁不太似泰國,泰國的是杰杰的不似呢個咁稀,有D似水狀, 好彩都有淡淡的椰香味

黑糯米就比較硬身, 唔似泰國那些總是黏黏的很香甜!佢呢個樣雖然係fancy 好多, 但係食落原來同泰國一pack 的真係無得比!

我一路食一路掛住傾, 到食到呢個地步, 我先靈光一閃咁發現唔見左D脆脆, 不過都真係太遲, 唔通呢個時候先問人拿番加番落去咩!

而且我一向都唔贊成食物出左廚房要再叫人拿番入去, 因為你都唔知會加左D咩!

要一讚的係佢的椰汁份量岩岩好! 成個食完椰汁都岩岩冇哂!!真係好!!

黎Rice paper 食甜品真的算是一個不俗的選擇, 食甜品食境就好好, 只是如果食正餐就略嫌有D唔抵食, 因為價錢不算便宜,但食物的水準不是很高!

 「幸福的十個理由」現已推出 

免費下載

讓你幸福的十個理由
>