Home / 女神 . 我愛甜品 / Sweet Diary 7 – Cheese Cake x Ice Cream @ Sogo

Sweet Diary 7 – Cheese Cake x Ice Cream @ Sogo

一年兩度的血拼盛事又在Sogo 舉行, 我當然不會放過這個掃平貨的機會

做人最緊要有的係咩?緊係Stragety (戰略), 所以當然去血拼都是一樣,以最少的時間去到目的地買了自己想要的東西,尢其係這些激安的日子,真係慢一步你的心頭好都會去左人地個購物袋入面

哈!所以話市場學真係幾緊要,整個限量50件的標誌都足以令你腎上線標升,飛身都要插入呢個插針都插唔入的Sogo 喇!(當然我都係中招的其中一份子

話說回來,每次去之前的都做好功課刨好哂那份大大頁的天書,知道自己要買咩先去達成目標,有時間再閒逛,免得心靈受了不必要的壓力

你一定以為我此行的目的是護膚品,那就大錯特錯了!

(其實那些套裝又真係好鬼抵,不過我多到有十塊面都搽唔哂了,所以今次暫止忍手!

此行為的居然是一個芝士蛋糕!?未能到東京一轉,都想感受一下東京的氣息!計一計呢個蛋糕有7折,當然要一試啦!!

正當早輪人人聞日色變,相信好多日本的餐廳都要多謝拉登的死,沖走了日日福島核電廠每日的新聞,令善忘的香港人又再次投返日本來的食物~

我以為呢間蛋糕店在Donq那邊的美食廊,走了一圈才知原來它是Bread Papa的鄰居

你見到個姐姐身後的排場都知佢入定重貨啦!

是否未聽過"空飛芝士"呢?"空飛芝士"是日本銀座的一種新品種芝士,特點是用上北海道牛奶,故牛奶味較重,那你一定會問,為什麼同銀座有關?是否廠設銀座?

其實都係呃你的!空飛同空輸差不多,都是解作flying 的意思,所以呢個銀座空飛芝士牛奶蛋糕正確的解法應該是銀座空飛/芝士牛奶蛋糕,而不是銀座/空飛芝士/牛奶蛋糕

有時候我覺得自己都幾無聊,所以你O咀係可以理解的)

話說回來呢個蛋糕有五個特點,係咩?麻煩你自己睇丫!

我問那個姐姐可以放幾耐,佢話放在雪櫃下格可以放3日。一口氣買2個,我真的有點擔心可否食完,因為我自己真係唔想一日3餐都食呢個蛋糕,於是打電話問阿媽,佢居然話2日咩都冇哂啦!(睇黎我鍾意食甜品都係遺傳的)

其實個蛋糕真係都幾有份量,仲要一攞攞兩個,真係甜品激發潛能,成為左力的來源

你好大力,你依家慢慢覺得兩個蛋糕好似羽毛咁輕)

俾錢的時候,居然俾我留意到佢居然有雪糕賣架!!!真係俾我發現了新大陸一樣!

再快掃隔離個廣告牌,有飲食男女的介紹呢個雪糕(點解我會Miss左呢間報導o既!?無可能!!

當然咩都唔駛講,叫個姐姐加多一杯$35的朱古力醬芝士蛋糕 x 雪糕!其實我都滴溚的想了五秒要吉士醬定係朱古力醬,因為我係一個吉士怪,但我想有芝士蛋糕,應該試左朱古力先

望住佢未食個心靈上都得到好滿足

食左一啖之後,簡直係感動味蕾

近排的負能量因呢一啖一掃而空!!!

那雪糕很香滑,加上香濃的朱古力醬,好味的程度已經達到一百,再來那芝士蛋糕的幼滑,將好味的程度在3秒間提升到二百!!不過你不要期望你會吃到濃濃的芝士味,其實那芝士味已經給那雪糕和朱古力醬蓋過了!

但係都係那句,好味的程度是二百!信不信由你!

及後我邊行邊食,路經化妝姐姐counter的時候,我聽到姐姐A同姐姐B說:"嘩!你睇下佢杯野,真係好正咁呀!!"

我心諗,緊係啦!

你地係Sogo做近水樓台都唔識去買黎食下,真係哂呢!

La Balance Ginza

地址:銅鑼灣軒尼斯道555號崇光百貨地庫

1,378 total views, 1 views today

About 王姬

成日都好鬼happy 既Mrs.T 說道:

睇到妳依篇都覺得好甜…….不過我唸Mr.T 會流口水!
 
 
[版主回覆05/31/2011 22:29:00]哈哈哈~~~~係呀!! 其實真係好甜呀! 所以我食完之後成個人即刻開心番哂!  
咁睇黎Mr.T就比你較喜歡食甜品~
你地下次番黎HK 都可以去一試呀!哈哈~最多你地叫一杯你食佢一小啖!

YouU 說道:

好想食是二百!!
以為你會去掃煲煲碟碟,原來掃芝士蛋糕~(蛋糕好似好細隻)
兩日清晒未呢~銀座空飛芝士牛奶蛋糕 味道如何~<==好長呀個名!!
 
呢個銀座空飛芝士牛奶蛋糕正確的解法應該是銀座空飛/芝士牛奶蛋糕,而不是銀座/空飛芝士/牛奶蛋糕  <===依段睇到有D暈
 
 
[版主回覆05/26/2011 22:14:00]you, 我一睇番呢篇blog又勾起我美好的回憶! 突然都好想食!!!
係bor!!我掛住個雪糕都冇講下個蛋糕tim~~真係要頒個獎過你呀!!你真係心水清呀!  
味道比我想像中的甜, 質感真係的是很香滑, 但老實的說, 如果要我用正價買我就未必會再買, 反而個雪糕我一定會再去食!因為真係太好味喇!!!
哈哈哈~~~睇黎我要去檢討一下呢段難明的文字先!

Scroll To Top