Category Archives for "女神 . 港飲港食"

新鮮魚生. 魚鮮生

早陣子在灣仔看完牌,就相約M先生到灣仔開餐 我地食日本野的意慾都真係十個高漲,但又唔想周圍搵周圍行,(腳骨力都真係大不如前!)所以就決定一試呢間魚鮮生 一入店時有個妹妹問我地有冇訂位,(都真係估佢唔到佢呢個偏偏地的位都要訂位!?)我地講完冇之後佢就走左,因為,全場都係得個老闆款的男人加妹妹再加一個嬸嬸照顧樓面 好不容易終於都有位坐,不過坐的二人檯都係史上最細的,因為張檯上面的雜物都真係太多了!! 唔信!?你睇下,水壺(仲要係大個隻)都放埋係檯面 真係想搵個位擺野都唔係咁易! 刺身都不算太貴,我諗呢間日本餐都真係走抵食夾大件的路線! 佢又真係冇呃你,真係全場都爆滿! 壽司Bar就不是開放式,你只係見到個師傅個頭而見唔到佢切緊咩 見有生蠔食,當然唔會錯過,$188半打圍起差唔多30幾蚊隻,又法國又澳洲,都差唔多啦!於是就緊係舉手叫~"半打丫唔該!" 係咁食生冷野有時又唔係幾辦法,唔多唔少都要加丁點的熱食,於是我地就叫了一個叉燒稻庭烏冬喇! 黎到個樣都什對辦,而且轉埋稻庭烏冬都共係$58,一睇隻蛋我就知碗野好味!(起碼都俾到隻半熟蛋你丫!) 雖然不是很正宗日本的味道,湯底都尚有改進的空間,不過賣相,溫度同味道都真係不錯,食到我都lam

蠔吧 x 日本菜 – 銅鑼灣魚泉

某日路經銅鑼灣,見有個身穿和服的姐姐遞了一張傳單給我,是一間叫魚泉的日本餐廳,叫人意外的是它有一個蠔吧,一向對要派傳單的餐廳一向都有點抗拒,因為好的餐廳跟本大多都不須要用派傳單來宣傳,於是上openrice