by 王姬 

藍天白雲的黃金海岸之旅

3 8 月, 2011 in 凡間日誌, 全部分類

0 shares

真係多得天功造美,剛過的週末,本來仲擔心會唔會因為颳風的關係影響左我的黃金海岸之旅,唔係澳洲的那個,只係想係遠離煩囂靜一靜心,暫時黎個香港黃金海岸都夠哂用喇!

除左讀大學的時候黎過呢間酒店住過一晚做hotel visit, 之後都好似再冇踏足過呢個地方呀!所以都懷住一個輕鬆愉快的心情黎到呢度!

住的是有一廳一房的Deluxe Room, 一入房走廊旁就是呢個Mini Bar 位,提供的都係超地道的零食,卡樂D蝦條同胡鬚佬薯片!

穿過走廊就來到大廳

不是豪裝的那種,不過整整齊齊,令人都很有呢個家的感覺!雖然我唔喜歡睇電視,但我一見到呢張L 型的梳化,已計劃好要嘆係度,飲下紅酒睇電視,間唔中等個腦休息下唔駛諗野,真係好好的一個relax 的方法!

好明顯呢張檯係為我休息完寫blog而設架啦!

冇咩特別但每間酒店房都要有的電視一個,真係唔知有冇酒店係設有投射映幕,連環立體聲,免費Blue Ray ,用"打造你的私人映院"作為賣點的呢?

如果有記住話我知!

個廳連埋個露台

一推門出去,有兩張藤椅,依個時候出去哂太陽真係唔岩我同M先生,我地都係冰黎,見太陽會溶哂,原本哂月光都唔錯,

不過真係熱得緊要,多一事都不如少一事喇!

不過一場黎到,都一定要出黎睇下!

個環境真係一流,冒著溶的危險,點都要企番一陣,欣賞一下,其實都幾大風,望住個海,真係心懭神怡呀!

係唔係真係好有呢個度假Feel 呢?

鏡頭的另一邊都係一個海~

向下望就係一個游泳池,大熱天時係泳池暢泳真係人生一大樂事

只可惜我暫時都係唔識游~

番番入黎,個浴室有浴缸同企缸,真係開心,我可以唔間斷咁日日有浴浸喇!

浸完浴再來一個兜頭淋,你話人生有咩煩惱呢?

個浴室係有兩度門,係廳入同係房入都得,呢個設計真係好!!方便我呢D懶人!

好似睇示範單位咁,黎黎黎,呢個時候我地就黎睇下個主人睡房,呢個主人睡房佔全間屋的一半面積,是15平方米,係咪好奇點解我會知呢?

(我諗聰明的你都唔會信我o既!)

又有一張書檯同梳化,我地一人一張唔駛爭書檯用!

黎個近鏡你睇!

老實講我唔係好鐘意呢種絲絨質地的梳化,因為一掃佢就會變色唔再閃令令,總係覺得怪怪地,梳化都係皮好!哈哈!真係好似當左係自己屋企咁。。。

就係咁我就過左一個舒適的週末呀!

 「幸福的十個理由」現已推出 

免費下載

讓你幸福的十個理由
>