夏天還未來臨, 但成日都覺得想飲凍野, 十個中醫有九個都話要戒凍飲,多年前已開始盡量少掂為妙, 經一輪血拼後, 特別須要一支凍飲來補充體力!!與其去7仔買汽水,今日都係飲比較健康的飲品, 心理上罪疚感都細點…..
走到雪櫃,突然給我發現有新成員!!
滋陰養血的鮮桑椹汁($20 支, $32 兩支)!?!剛剛就是想飲一些酸酸甜甜的東西, 鮮桑椹這個名真的十分陌生, 看看英文叫Mulberry, 自問都算一本飲食字典, 但今次都有少少考起,又唔係好知係咩味,左思右想之際,反個背面看一看個功效, 即買!!!!!
有咩功效咁巴閉?! 睇完你就知係女士的恩物!!
功效:
滋陰養血,美白潤澤肌膚
滋補肝腎,補充能量
再來適合人士:
1. 熱性及虛熱體質 (中中中 – 其實都唔係好知, 不過有時都覺自己燥底, 所以都當係!)
2.口乾舌燥,容易疲倦,頭目眩暈,失眠 (中中中中中 – 我成日都講野唔口乾都難啦!)
3.氣血不佳,面色瘡白,皮膚乾燥 (中中中)
4.注重肌膚保養人士 (中中中中中 – 世上只有懶女人,冇醜女人幾時都係岩架!)
所以都冇再諗就拿了下來,我估頂多似飲提子汁, 應該唔會好難飲的, 如果真係好難飲, 就當苦口良藥, 雖然你未必相信飲一支就會那些功效, 但說到底都總好過飲汽水!!
飲後感: 絕對沒有後悔一試!! 味似普通的莓汁,真的酸酸甜甜, 最欣賞是有after taste ! 沒錯,是after taste – 有一股薏米的香味, 先不先我唔知點解我會飲到有薏米味, 再看成份, 薏米就沒有了, 只有加了茉莉,杞子, 睇黎我尚須一番苦功才可練成"天下第一"利"
因為呢支汁我都會去考慮買它們的套票, 夏天凍飲真係好必須, 用套票好似抵好多, 有時間又再去研究下先!
(順帶一提, 健康工坊的燒賣真的是十個好味,它不是一般的魚肉燒賣,是杞子豬肉馬碲燒賣($12 – 4粒), 加上甜甜的豉油, 是下午茶/小食的醫肚好選擇!!)