by 王姬 

新鮮魚生. 魚鮮生

19 6 月, 2011 in 港飲港食, 全部分類

0 shares

早陣子在灣仔看完牌,就相約M先生到灣仔開餐

我地食日本野的意慾都真係十個高漲,但又唔想周圍搵周圍行,(腳骨力都真係大不如前!

)所以就決定一試呢間魚鮮生

一入店時有個妹妹問我地有冇訂位,(都真係估佢唔到佢呢個偏偏地的位都要訂位!?)我地講完冇之後佢就走左,因為,全場都係得個老闆款的男人加妹妹再加一個嬸嬸照顧樓面

好不容易終於都有位坐,不過坐的二人檯都係史上最細的,因為張檯上面的雜物都真係太多了!!

唔信!?你睇下,水壺(仲要係大個隻)都放埋係檯面 真係想搵個位擺野都唔係咁易!

刺身都不算太貴,我諗呢間日本餐都真係走抵食夾大件的路線!

佢又真係冇呃你,真係全場都爆滿!

壽司Bar就不是開放式,你只係見到個師傅個頭而見唔到佢切緊咩

見有生蠔食,當然唔會錯過,$188半打圍起差唔多30幾蚊隻,又法國又澳洲,都差唔多啦!於是就緊係舉手叫~"半打丫唔該!"

係咁食生冷野有時又唔係幾辦法,唔多唔少都要加丁點的熱食,於是我地就叫了一個叉燒稻庭烏冬喇!

黎到個樣都什對辦,而且轉埋稻庭烏冬都共係$58,一睇隻蛋我就知碗野好味!(起碼都俾到隻半熟蛋你丫!)

雖然不是很正宗日本的味道,湯底都尚有改進的空間,不過賣相,溫度同味道都真係不錯,食到我都lam lam 脷!

再來就是小食的牛油七味金菇(個名係咁上下)

不過都有點韌,個尾咬極都咬唔開,好似狡猾的金菇一樣,味道就略嫌淡左些~

雖然個次序係亂左D,不過都冇影響生蠔的鮮味!

我只係記得隻澳洲蠔係Coffin Bay ~其他都唔記得喇!都算大隻肥美!正!

呢盆就係自選組合刺身拼盆,一共點了六款,有我最愛的三文魚,油甘魚,牡丹蝦,帆立貝,翡翠螺,墨魚 (排名係分先後的~)

再來一個Close up 就知道真係有幾咁大塊,成盆差唔多三百蚊到啦!

三文魚成支叉咁長,1cm咁厚,真係食得好開心!

仲有一個驚喜就是呢一鑵梨汁!從冇諗過韓國野都可以咁好飲(我應我係好崇日的!)呢鑵野真係有清甜的梨味再加有點果肉!!$12一鑵比起好多日本的鑵裝飲品都好味得多了!

因為種類真係太多了,有時買日本野飲要買到鑵好飲都真係好講撞手神!

後記:呢間小店唔知係唔係因為要節省成本,於是得兩個樓面,見到個妹妹真係做到要走,我都俾多左我的耐性,仲要配套不足,要用人手入單,同人手加數埋單,真係咩都係佢,唔做到頭都暈就有鬼喇!後生的都做到咁,老的嬸嬸仲可憐,檯檯都叫佢,老闆又叫佢執檯入客,手就得一雙,都真係唔知做得邊樣先!

小店要生存都真係唔係一件易事呢!有好的食物,都要有好的服務,先會令到客人再番黎呢!

地址:灣仔活道1號A地下 (188對面)

 「幸福的十個理由」現已推出 

免費下載

讓你幸福的十個理由
>