by 王姬 

名不乎實的日本菜 – 紅磡三河屋

15 6 月, 2011 in 港飲港食, 全部分類

0 shares

今次山長水遠,專程黎試呢一間口碑不俗的日本菜三河屋,當然都要靠唉瘋呢個好朋友先搵到啦!行到過黎真係熱到想殺人!

睇openrice 呢間野係一對日本的夫婦開的,心想所以辛苦些搵到黎都值的!

到至今我都係欣賞紅酒而唔係好識飲大吟釀,都要慢慢試下先!

餐廳提供的種類都算多,麵類,刺身,咖喱,串燒,煮物。。。差唔多你諗到都有,應該都可以滿足你5個願望的!

環境就一般,迫迫的小店坐滿廿幾人,基本上都唔可以叫做係搭檯,搭檯都分開有條小隙呀!我地依家係大家痴痴呆呆坐埋一檯

有小店風味同"唔企理"都真係只差一線,睇下你點睇!?

終於來到呢個聲稱必吃的三文魚刺身($68),一黎到就發覺佢係有些暖暖地,肥都算肥,不過就冇咩三文魚味咁囉!

十蚊的蟹籽沙律還可以,我地都係兩啖就KO左佢

黎呢度的目的為的就是呢個鰻魚飯,你看個樣都唔錯

只是,食落個鰻魚韌到死,咬極都咬唔開,有點似港式的日本菜,不似是地道日本人炮製的!

再來就是呢個牛肉烏冬,同樣令人失望,因為食落去烏冬有點酸,不夠滑,一食就似由係一包包港式常溫烏冬麵煮出來,真的是我們意料之外!

再睇番個openrice,發覺佢笑笑面大多都是兩年前,而喊口就係近呢排的事,所以睇openrice搵食都真係要睇清楚,唔好俾佢呃左

我想那對夫婦都冇做,應該都係轉左手,如果唔係點會忍到出品係咁!?

由於滿足唔到心靈同食慾的關係,於是同場加映就來了時新快餐店!話說某年某月,我特登黎到時新想一試那個傳說中的包,鬼整佢居然冇開!

所以一路的都冇特別再來,今日居然可以偶而間俾我一試,真係好開心呀!

一見到呢張懷舊味極濃的banner就知對版啦!佢咁多年都冇執再加上長期於openrice名列前芬,就知係好野啦!

真係古老當時興,呢張野真係好有Feel~

每個包都係大約十幾蚊,仲要係即叫即整,真係十個抵,你依家去買個腸仔都要$7-8蚊啦!包款選擇都算多,有十幾款任君選擇,但係主打都梗係佢地的招牌菜漢堡包啦!

我地一去到見到聚集左幾十人,你下面見到的都係一少部,其他人都企哂側邊我地仲滿人

我地一黎到都以為呢班人係等位,於是心諗我地都係黎買外賣,於是滿心歡喜走入去買,一入到去居然見到有位都覺得怪怪地,個收銀哥哥好快就打單,好彩我都加左句外賣,因為。。。。。

一睇張單就知"乃"野!49號!?

咁叫緊幾多號?見唔見到個牌呀~係23號!原來其他人都係等外賣而唔係等位!

條數都真係難計。。。一張單可以係一個包,亦可能係十個包,總之就唔知要等佢整幾多個包啦!

等左25分鐘到終於都去到43號,於是我走左入去等,我見到個廚房有4個人同一座排到山咁高的喜頓漢堡包,一個阿姐就不停咁煎扒,我諗佢一個人都要照顧40件扒,一個就疊包,一個就睇單包外賣,另一個就叫單同按掣,真係Division of Labour

其實好想映相,只可惜咁映人地個廚房又唔係幾好意思,我的偷拍又未去到高超的地步,所以都放棄左呢個念頭,唯有用上面呢一大埋的文字黎形容過你地聽啦!我諗你都唔係介意的!

及後又掛住食,個包係點樣都冇映出黎,都真係唔知自己點做野

SORRY

時新快餐店

地址:紅磡黃埔街1A地下

電話:362 127

 「幸福的十個理由」現已推出 

免費下載

讓你幸福的十個理由
>