Home / 女神 . 凡間日誌 / 香港廸士尼樂園酒店

香港廸士尼樂園酒店

香港廸士尼樂園酒店

M先生最喜歡的,就是不時為我準備驚喜,那出奇不意的安排,真的令人很窩心!

今次他帶了我來香港廸士尼樂園!

原因是,我已經在他的面前說了5次我從來都未去過香港廸士尼,我也真的不自覺呢!(笑)

M先生說廸士尼有兩間酒店,一間是香港廸士尼樂園酒店,另一間是廸士尼好箂塢酒店,他選了香港廸士尼樂園酒店是因為它比較classic, 雖然身在香港,但可以有帶了我去外國的感覺,暫時遠離了煩囂!(哈哈,除了進入大堂後那些自由行同胞讓你回到現實外。。)

藍天白雲,面前是歐洲宮廷式的酒店,令人十分期待這奇異的旅程

一入到酒店,就有米奇同米妮老鼠歡迎我們的來臨了!

這就是酒店的大堂

大堂的右手邊就是手信店,以前的我去到那兒什麼都可以買一餐,幸好這幾年都已改變了!我都把握了機會走了一圈,現在走Elegant 路線的我,真係咩都買唔落手,唔想認冇左份童真都唔得喇!

但見那些大陸人大姑大叔一堆一堆唔駛錢咁放入籃,心想,真好!香港有你地去刺激經濟!

等了約十至十五分鐘,我們終於都上了房了!

我們入住的是海景陽台客房,整間房都配合了維多利亞時代宮廷設計,十分優雅

(如果我一早知黎廸士尼維多利亞時代宮廷設計的酒店,我一定整番個Lotita造型配合番,真係諗起都驚親人 )

由於廸士尼酒店的客人多是一家大細,所以。。。

一間房其實是有兩張4呎的雙人床!(真係估佢唔到,OMG! 我當時第一時間諗到的就係,唔通要一人一床?)

整間房就只有那平面電視和電話與房間的設計有的格格不入,不要被這個電話的外表呃到,以為很方便易用,我想說它是我用過那麼多部酒店電話最難用的一部

我足足花了十分鐘才找到怎樣打到去大堂!!

順帶一提,電視設有廸士尼頻道,專為小朋友而設!(幸好M先生已過了大細路的年代, 如果成晚都要睇的話,我諗我食完飯就要訓喇!)

浴室內設有浴缸,浸浴真是一流享受!

整個浴室都算是大,那塊鏡有七個小矮人及白雪公主的圖樣,忘了拍照給大家看!(又忘了!)

牙刷,浴帽,化妝棉等等浴室用品是由七個小矮人的盒載著,真的十分可愛!

尾中不足是沒有潤膚露,那天十分乾燥,我又唔記得帶,如果有lotion 供應,我的肌膚就唔會乾到烈了!

話明是陽台房,當然就是要看看那個露台啦!

露台上放了兩張白色的花紋椅子,再加上一張小餐桌

望出去就是一個草地加無敵的大海景!

我們已決定了晚上坐在露台上嘆紅酒灑月光談心!

結果就係。。。玩左成日廸士尼攰到死,即訓咁囉!

2,533 total views, 3 views today

About 王姬

YouU 說道:

每篇日誌都甘比心機寫!
當然要留言支持!~
小粉絲上
[版主回覆04/30/2011 00:08:00]好多謝你的支持呀!!! 我會繼續努力的寫!

YouU 說道:

可能同你上篇果個浴缸有比較
[版主回覆04/29/2011 00:00:00]哈哈!都係架!!
PS. 真開心見到你每篇的留言呀!

YouU 說道:

wa~~去完泰國再玩埋迪迪尼~
你同M先生好 sweet啊
PS: 係個廁所唔夠靚姐~~
[版主回覆04/28/2011 23:58:00]Hehe ~ 我地都鍾意週圍去呀!!
咁睇黎你都鍾意D Hip 酒店呀!我都覺得係呀!!至少都大一倍
不過香港同泰國又唔同o既! 我係曼谷仲有住另一間酒店呀!到時你再睇下邊間靚D 丫!

Scroll To Top