Home / 女神 . 變愛美神 / 無印浴鹽出 . 浴 . 記

無印浴鹽出 . 浴 . 記

做女人最緊要的就係時刻將自己保持最好的狀態, 由頭到腳的護理真係唔懶得,所以話做現代女人忙,忙照顧老公家人,忙事業,忙進修,要做有魅力的女人更忙!

今日真係要強烈推介一個呢個o既可以做懶人休息下,同時又可以做美人的方法,就是浴鹽浸浴法喇!!(如果你一早就有呢個習慣,咁真係恭喜妳喇!!)

呢排我真係嚴重地戀上呢個活動,因為浸完後真係成個人都好似輕哂,脫胎換骨一樣!我終於都明白點解日本人會深深咁喜歡浸浴!

早前我去日本的時候睇左一個日本的電視節目,內容係講一個女人發奮減肥之後去做model, 用的就是呢個浸浴+按摩法!到節目後聲先掀曉呢個女星的身份。。。

原來是藤原紀香!(哈哈!佢依家咁都算係好大件,都真係幾難想像佢未減時會係點)

發表一論我的偉論後,係時候回正題介紹一下今日的主角,就係無印的浴鹽喇!!

有成十幾款味任你選擇呀!都只係$5一包(十個抵~~)

我揀左我最鍾意的玫瑰同薰衣草

一包一浴,方便至極,你做的動作都只係要放水,剪袋,倒粉

老實講咁睇落有丁點的恐怖,好似上演左一幕浴缸自殺案的血染的風采篇~~

係完全唔駛用手攪均的情況底下,熱水就將所有浴鹽溶化了!

而且濃濃的玫瑰香味湧出黎,即刻帶你去左個花園咁!

呢個時間再黎一杯白酒,真係人生的一大快事!(其實係唔建議咁做,因為浸浴會令血液循環加速,呢個時間隊杯酒落去,都唔係太好。。。但係我又好想relax 下,所以我都冇咩理喇!飲左先算!哈哈!)

加左浴鹽之後你明顯會覺得水會變得滑左呀!希望我的皮膚都會好似D水咁變滑D!

我下次會試下買牛乳,再加幾片玫瑰,諗起都好開心呀!

浸到紅粉菲菲再加香汗淋漓~~真係爽!(特登映粒汗過你睇下,見唔見到呢?)

翌日就是薰衣草日

個色好得意呀!!你見到的係藍色帶一點紅

三個顏色都見到!!好靚!!滿足哂我視覺的享受呀!

呢個時候唔知點解個腦出現左N年前黃耀明同彭羚的一首歌~

來擁抱著我 形成漩渦 捲起那 熱吻背後 萬呎風波
將你 連同人間浸沒 我愛你 就那麼多 來擁抱著我

雖然無印的浴鹽浸後,未及我係泰國Ailla 浸完真係有感覺到連骨都鬆埋的感覺,但無印的色香俱全(味就唔知),而且價錢平,如果揀定左個味,仲可以揀大鑵裝,絕對係一個不俗的選擇!

5,973 total views, 2 views today

About 王姬

YouU 說道:

果真識嘆~~
不過記得睇住時間浸啊~~
[版主回覆09/13/2011 22:40:00]係呀~~你講得好岩呀!因為真係試過太耐而暈暈地呀!

Scroll To Top