泰開心Day 5 (Part 1) – Emporium 內的 TCDC

(上回提要: 話說我對腳俾蚊咬到不似腳型, 幸好第二朝早一覺醒來,所有的蚊"懶"都消失得無形無踪!真係令我鬆一口氣!!

)

嘆完個醒神的早餐,就出動了! 開始了我們今日的行街街旅程

我們今日選擇搏一搏坐了的士, 出乎我們意料之外的咁順利, 沒有塞車,沒有兜路, 只須大約100baht 就到達了!!!只須十分鐘的車程, 真係估佢唔到咁近!! (由Sala Deng –> Phrom Phong)

黎Phrom Phong 的目的就是為了要行這個Emporium

一進去光猛舒適!!令人十分有好感呀!

仲要俾我撞到有塔羅牌做緊特價呀!!!我咩都冇諗就沖左入去喇! 睇得十個開心

最終我當然有收獲啦!! 就以半價的價錢買到一副我心儀的塔羅牌!!!

逛了很多很多個圈, 我的肚又發出了警號, 又是午餐的時候喇! 長氣點都要說, 去旅行的生活先令你感受到一個人真正要過的是什麼的生活, 都是離不開食同訓再加做自己喜歡做的事!!

於是我地就上了food court 搵食, 等一件事要買的梗係椰青啦! 因為要再試真一些同琴晚飲的價值$60有咩分別~

答案係:呢個係Food court 的仲甜D咁囉

之後就黎左個滷味日-滷水鴨肉媽媽麵

媽媽麵的質感其實同福字麵都有些似,老實講好似有半個世紀咁耐都未食過公仔麵,因為公仔麵=食兩碗飯呢個理論深深咁印係我腦入面,所以公仔麵=肥=要少食或是唔好食,但係偶然間痴左條線又會好似個大肚婆咁突然好想食~真係好難去理解呢!

滷水豬大腸同豬手 

諗諗下其實我都幾鍾意食內臟,豬肺,豬脷,豬腸,豬肚,豬膶,雞腸,雞腎,牛什。。。最愛的是雞心

(都唔算好變態丫呵?)

回說番呢碟滷味,你睇下條腸真係幾咁的肥美,再加上去了骨的豬手,呢餐真係要同蔡瀾舉杯高呼"膽固醇萬歲!"

泰國人應該個個都很喜歡食啖啖肉,去到邊就連Foodcourt 都會有去左骨的豬手,鴨肉,雞肉。。。咕嚕一下就吞得,真係令人食得十個方便

另外一樣值得一提的係,去一些比較細的商場Foodcourt, 個收錢方式真係十個攪笑,好似玩大富翁咁樣,用七彩的假銀紙,仲要係面額超細,先到counter選你的心水食品, 用假銀紙俾錢,真係數錢都數到手都軟

食完哂就可以將用剩的錢搵番真的錢, 其實都真係幾哂時間呢~

逛了一個圈,見到呢坐Marcoon 山~ 真係忍唔住偷映左一張, 仲要自己又走埋去又映一張, 當然就即刻俾個"實招"哥哥出黎趕我~ 好彩我走得快冇俾佢搶我菲林

有相為證架! 你見唔見到圖中的2位姐姐個樣一副通風報訊樣"喂!o個邊有人映相呀!快D去阻止佢呀!"咁囉~

係Footcourt 上一層的7樓,就黎到我地今日的一個最重要的景點,就係TCDC

究竟咩係設計~? 真係有些玄

TCDC 係一個令人很感動的地方,介紹了世界各地的牌子產生的年份同地點, 一共有兩個展館,而且都是免費入場!!!

仲設有一個小店賣型格產品,我們走了一圈,都沒有什麼戰利,好像又沒有什麼特別好買

最緊要的是館內係俾你隨便映相, 呢D咪就係大方的表現囉!

當中有我地熟識的品牌 – illy 咖啡

算小妹孤陋寡聞, 我又真係唔係好知呢個係咩牌子, 不過一睇個樣就知係型仔野啦! 自問就未潮到咁可以Carry 到呢個袋喇!

 

你一定係唔明呢張椅都可以放係度,唔好睇佢個外表好普通, 其實是個斜度係配合人體的脊骨經過特別的計算, 令你一坐落去有唔想起番身的感覺, 舒服程度達到一百!!

事實係, 都係我估的~

另外有一個Corner 係特別俾一些當地的各式各類的設計師擺放自己的咭片作宣傳用

再走到圖書館前, 就一個很好的落腳點供你吹水唔抹咀的地方, 仲好有Feel ~

最後就是走了圖書館一轉, 如果你要入館, 就一定要當地人再加俾年費, 但原來亦有一次的旅客服務, 只要用你的passport 作登記,拿了呢個證就可以順利入館喇!!

館內所有書都是設計書, 由室內設計, 圖案設計, 時裝設計…..講得出的設計都有書, 泰國近年冒起了很多其本土的設計, 我想唔多唔少都跟當地的文化同設施有關, 如果香港都有這類型的地方幾好呢!

2,265 total views, 2 views today

YouU表示:

如果香港都多點藝術展館就好了…
現在問起人…大多人都答.."科學館"
 
ps: 記憶中…3號仔還沒出場呢~haha~
[版主回覆06/11/2011 00:00:00]我都覺得係呀! 香港真係好似冇咩呢類俾設計師hea 的地方或者展館
你真係心水清呀! 請耐心等候呀~