Home / 女神 . 遊歷世界 / 泰開心Day 3 (Part 2) – 潮拜四面佛

泰開心Day 3 (Part 2) – 潮拜四面佛

(上回提要: 係木村入住的酒店Sukhothai check in 後。。。)

鏡頭一轉我地就來到就坐BTS 黎到Chitlom 喇!黎Chitlom 除左要Shopping 之外,最緊要係咩??緊係黎還神又拜神!!

我自問沒有什麼特別信仰,很open,我覺得只要那一種信仰可以令你覺得心境平靜,能給予你心靈力量的,這就是你可以相信的!

回說呢個四面佛真係十分就腳,基本上你沿住BTS條天橋一直行向Siam 方向,行到差不多Central World的附近, 往你的左手邊望,你就會見到下圖,黎一個遠眺四面佛!

不過如果你係左邊見唔到,都唔出奇亦唔駛驚

,點解?

因為。。。我成日都左右不分,所以唔駛驚,好可能o係你的右手邊

當日天氣酷熱,真係差點中暑,仲要點香, 真係熱上加熱,不過唔緊要,最緊要就係可以黎到!!

聽聞四面佛每一面都代表一樣野,但係是什麼我就真係冇咩深究。。。

於是就緊係上網搵啦, 皇天不付人心人, 一搵就俾我搵到太陽報係2006年的報導

大梵天 有求必應
大梵天原有五個頭,後來被溼婆砍去一個,剩下四個頭分別朝向四方。祂有四面、八耳、八臂、八手,每手所執之物均不同,一手持令旗(代表萬能法力);一手持佛經(代表智慧);一手持法螺(代表賜福);一手持明輪(代表消災、降魔、摧毀煩惱);一手持權杖(代表至上成就);一手持水壺(代表解渴、有求必應);一手持念珠(代表輪迴);一手持接胸手印(代表庇佑)。祂常坐在蓮花座上,出遊時則乘坐七隻鵝拉的車。

在佛理論中,大梵天也是佛陀的護法天神,是佛「二十諸天」中的第一位,有慈悲、仁愛、博愛、公正這四種性格,並稱之為婆羅門的「四梵行」。祂的四面也對應了佛之四無量心─慈、悲、喜、捨。

慈無量心:與大梵天的正面「密達」(METTA)對應,願眾生得樂。

悲無量心:與大梵天右面「噶如喇」(KARUNA)對應,願眾生離苦。

喜無量心:與大梵天後面「摩達」(MUTHITA)相應,見人行善、離苦得樂,生歡喜之心,因此願一切眾生,離苦得樂。

捨無量心:與大梵天左面「無別迦」(UBEKKHA)相應,怨親平等,無愛惡,廣披澤恩。

正因祂的四無量心性格,無論對祂祈求甚麼也會很靈驗,可算是「有求必應」。

求神許諾 不能食言
拜四面佛是要按順時針方向對神像四面依次膜拜,四面代表慈(仁愛)、悲(惻隱)、喜(吉祥)、捨(施惠),每面上三炷香、共十二炷,並於每面放上一支蠟燭、一個花串和一頭木象,同時向祂誠心地訴說心願。

人間「有借有還」的觀念也適用於人和神的關係上,當願望達成時,必須還神及履行求神時許下的諾言,否則便會觸怒神靈,後果無從估計。傳聞七十年代有一位當紅香港女星,求神時曾經誇下海口,如果願望能達成便會在神像前跳一場脫衣舞。後來她所求的事成功了,她不敢食言,只好趁清早行人稀少時,由友人拿布帳遮掩,在神像前脫衣起舞。

如果在求神時沒有許下特別的承諾,還神就比較簡單,所用的祭品也可在附近的攤檔購買,一般為七色花四串、蠟燭四支、香十二支和四頭木象,程序和求神時相同,並向祂道明來意是還神便成。不過為表示誠意,隨心的捐獻亦少不了,也可把麻雀放生或在附近僱用穿泰國傳統服裝的舞蹈員在神像前跳還神舞

(摘錄自太陽報 27/02/2006)

好彩我都冇拜錯,我都係順時針拜哂四面,四面都做同一個動作就係:

拜–> 插香–>放蠟燭–> 放花 x 4

其實最緊要就係

(誠心。。。)

除了拜神之外,一場來到,就緊係要請人跳舞,一請就請左最多的八個(我冇記錯好似係700baht) , 一直以來我都以為係叫人跳求神舞, 岩岩睇完先知,原來係還神舞

不過都唔緊要, 最緊要都係有借有還~~

(先致聲明: 下圖藍衫跪拜者純屬善信甲,並不是本人, 請各位不要誤會

)

連我自己都好佩服我的快手快腳

咁再加上M先生從旁的指點,  任務就係一瞬間完成

離開了四面佛,我地就上左天橋打算去對面Big C, 站在天橋上, 見到塞車塞到咁, 真係睇足佢五分鐘都唔郁(唔準笑我無聊, 我只係想更加了解一個地方, 邊個笑我,後果自負!

雖然泰國的的士真係好平, 但係成日咁塞法,錢就事小呀! 哂我時間先係個Main point! 因為真係平日十分鐘的車程, 分分鐘至少塞你一個鐘,所以如果係可以選搭BTS 的話, 就緊係打死都要搭BTS!

話咁快就到了Big C

呢間BIG C真係好行, 個感覺就好似帶我番到美國的超級市場, 咩都有得賣, 生果大大堆, 真係好令人懷念呀!

去旅行行超市就係最好認識當地文化的最好地方, 如果唔係阿蔡瀾都唔會逛街市啦!

下一站就當然是我血拼的寶地 – Central World!!!雖然ZEN都未開番, 不過都好夠我行大半日喇!!

最開心都莫過於見到佢 – Forever 21!!!!!!!

上次在日元高企對9.5幾到東京, 我買得最開心就係o係Forever 21!!今次到泰國居然俾我見到佢!!! 真係十個開心。。。。

可是一件都買唔到,因為個價錢居然不及日本,真係諗極都唔係好明

2,488 total views, 3 views today

About 王姬

Scroll To Top