Home / 女神 . 遊歷世界 / 泰開心Day 3 (Part 1) – 木村拓哉入住的貴族酒店 Sukhothai

泰開心Day 3 (Part 1) – 木村拓哉入住的貴族酒店 Sukhothai

(上回提要: 我們到了華欣夜市逛了一夜,吃了一頓很平宜的泰國菜…)

睇黎我要加緊腳步寫番泰國之旅先得喇! 如果唔係寫到下次去都未寫完呀!

於是鏡頭一轉,我地就回到了曼谷了!!

今次要入住係木村入住位於Sala Deng的貴族酒店 Sukhothai

唔知有冇幸住番佢住o個間房呢?

 (當然我都知係…冇啦!)

我地住的係upgrade 左對住泳池的Deluxe Studio, 一入到去個感覺同半島有點似

一張超大舒適的雙人床真係會為酒店加分! 有時候太軟的床又會唔舒服, 訓到個人都散哂, 好似冇左條腰骨咁! 太硬又唔得, 好似訓緊木版咁, 所以真的要岩岩好適中, 好似金香米咁, 不能太軟, 亦不能太硬!(話時話呢個廣告都好似消失左喇!)

呢張床就係岩岩好的代表! 

床的一邊有一張小梳化, 但不知怎的, 坐在那兒食野好似有點怪怪的!

L形的木書檯最岩就是給我這些成功人士辦公喇!

(不要理我,自戀中…….)

說得上是貴族酒店, 用的設備都一定要有番咁上下啦! 咖啡機是用Capsule 的Lavazza, 咖啡我只是略懂一二, 如果是Capsule 機, 多是Nespresso

仲要係Compliementary 的Capsule ! 一共有四款口味, 當然我地第一時間就嘆番兩杯先啦!

呢間房仲有一個可愛之處, 就是呢個Mini Bar, 一打開, 各式其式,啤酒有幾款, 汽水有六款仲有果汁, Fill滿哂!

你一定會諗,咁又點呢?起碼都十幾蚊鑵啦! Fill爆哂都唔關你事啦!

講過好消息你知, 係免費任飲!!!!

最緊要係每日都為你refill, 真係從未如此豪飲過! (當然那白酒是要俾錢啦!)

小小的衣帽間, 我當然將我同M先生的每日造型都掛哂出黎, 十分方便!

用的是Bose DVD機!!!!

再加上掛天花的一套喇叭, 我們就有好似有間環迴Surround Sound的私人影院!!真係聽出耳油呀!

浴室就有兩個洗手盆, 一人一個唔駛爭!!

由於四面都是鏡, 小妹亦不便出鏡,所以只可以映個花灑位

個花灑位都夠哂特別, 見到牆上面的四個小花灑嗎??

你企在中間就可以hand free沖得乾乾淨淨喇!!

 個位仲可以較,沖邊個位都可以!

浴缸邊有好可愛的膠鴨仔, 一定係知M先生童心未泯而設架喇!! 隔離的就緊係為我而設架啦 !係咩? 就是俾我呢個美人出浴的泡泡粉! 

呢盞小小的床頭燈就好似知我有每晚睇書先訓的習慣而設!!

唔用的時候就可以收番埋佢, 我真係太鍾意呢個設計, 太有智慧喇!

每日都有免費的生果放在生果盤中, 仲有一張小咭介紹時令的水果!

O…Sorry ~ o個幾個大過拳頭的芒果係我買完放落去的~

酒店的Key 不是用咭,而是真的用Key 的電子咭~

仲有, 每日都有一款六粒的Truffle 放在小碟上, 是日精選是Green Tea Truffle !! ENJOY

 

 

2,202 total views, 2 views today

About 王姬

YouU 說道:

WA!! 之前果間同依間比差得遠!!
果然木村選擇有番甘上下~!
[版主回覆05/26/2011 22:17:00]哈哈! 其實兩間個感覺都好唔同, 呢間classic D~ o個間型D ~
所以個體驗都好唔同!好鬼掛住!又好想去旅行喇!!!

Scroll To Top