泰開心Day 1 – 華欣Alila-Cha-am Hotel避世之旅

泰國6天遊- 前言

踏入了4月, 又是外出Hea 下去旅行的時候, 當然去的地方就是近日的新寵泰國啦!!

無它的, 去一個地方就可以滿足你三個願望 – 血拼, 做Spa, 勁食, 我暫時都只是想到泰國可以駛少少錢, 但就可以令你過帝王式的生活享受, 所以暫時都真的別無他選, 你想到不妨跟的好好的分享一下呀! 

為了好好的記底這6天的旅程, 我決定要寫出來, 同時又可以和大家準備去泰國的人分享, 真的是一舉兩得呀!

Day 1 – 華欣

一下了機到了泰國機場, 我和M 先生就下了兩層轉乘的士到我們的第一個地點 – 華欣了!! 兩次來泰國坐的士都有不太愉快的經歷, 遲一些有機會再說!

機場的士主要都是接載乘客由機場到酒店, 又或是由機場到主要遊客的景點, 所以一般都比你在市內乘的較乾淨, 另外他們一般都比較好禮貌, 希望可以找到包車遊的生意, 所以都會閒聊下

這架車內的窗上貼上的標誌真攪鬼, 我忍不住要映底它, 因為…

(右起) 不淮吸煙(正常), 不淮帶榴槤(都正常, 唔受得的人會覺得太臭)

不淮飲酒(正常), 不淮帶狗(都OK), 不淮做愛!?(呢個就是最詭異的地方, 唔通泰國人興o既?)

不淮帶槍械(正常),  不淮帶?? (呢隻都唔知是什麼!?)

泰國人的設計近年突飛猛進, 好的設計真的隨處可見!

機場車上的價錢清單- 去華欣一程要2800 baht (差不多港幣七百元), 來回要港幣千四元, 所以都不算便宜, 但是一程過超方便, 加上華欣是我們都想去洗滌心靈的地方, 到最後都豪給它!!

(小秘技: 如你選乘的士到華欣的話, 一定要照收費表付款, 不要要求跟咪標付款, 如果不是後果真的不堪設想呀!! 你都唔知會給司機載了去那兒, 兩個多鐘頭的車程, 分分鐘要花上半天的時間呀! 因為他們最叻就是扮唔識路, 之後繞路呀!)

大約兩個多的車程, 客機左轉右拐進入一些小路 (M 先生事後跟我說他有點擔心司機車了我們到一偏僻的地方"老笠"!) 因為你真的想不到那酒店的位置是會那麼的偏僻!

我們終於都到達了第一間入住的酒店呀!華欣Alila-Cha-am Hotel (位於七岩)

女神終於都去到神殿喇!! 一級一級的踏上去。。。。(很期待!!)

這就是一上去看到的景觀了!!!! 我起初誤會了以為是一個游泳, 個心仲諗, 嘩! 真係好! 成個泳池都冇人的! 太好喇!!我可以霸哂!!

之後先知原來係諗太左, 係就係池, 不過只係一個水池!! 

遠處就是酒店兩間餐廳的其中一間, Front desk 姐姐聲稱它的情調很浪漫

Check in 完畢後,  Front desk 姐姐就帶我們到房, 順便帶我們參觀酒店一下

我們沿著樓梯走下去

走完樓梯就看到一條長長的走廊

走廊的左手邊就是一幢幢的酒店房, 這就是我們的住處了! 一幢有3 層, 共12間房

選擇這酒店的其中一個原因是因為這間酒店的普通房都差不多有六百呎! 另外就是因為這酒店的設計簡約得來帶點Hip ! 還有還有。。。就是整間酒店都有Wifi, 你走到那裡都可以上網, 十分方便!!

雖然來的時候說是要洗滌心靈, 遠離煩囂, 但是要我們幾天都不能上網,我們都一定死去!

這張床是一張魔術床, 軟軟的真的很舒服。。。

相中床的右邊就是書檯

真的很有家的感覺

床的前面就是這個小客廳, 我們晚上就是坐在這兒看戲了!!

所有的搖控都放在這個橙色的搖控套內, 十分整齊, 一定唔駛周圍找搖控!(但一定係要用完放番落去先唔駛搵囉!)

最令人驚喜的是居然有Apple TV, 除了簡約, Hip 外, 再要加多一樣, 就是型!!

由於我未看過Apple TV, 所以第一時候就開了, 機內已Download 了四十多套免費電影任你睇, 不過話就話有四十幾套, 但係大部份都係好舊的戲, 都真係按唔落手

唔想睇戲!? 你又可以睇Youtube , 但係唔知點解你又搵唔到你想睇的!

所以, 到拉尾都係決定睇番我地Download 左的戲

跟著就是要看看浴室了! 整個浴室的牆身都是灰色沒有上油的, 突然帶點很Raw (原始)的感覺!

花灑設在頭頂, 開了真的像落雨一般, 但經試用後, 原來不是想像一般的舒服! (我忘了撐著傘映一張相供大家看….其實這設計都幾有特色!)

花灑後面就是有一浴缸, 很喜歡浴缸上的那塊木版, 真的很好用, 我把書放在上面看!

另外值得一提的是它的浴鹽真是超得!! 將我所有的疲勞都散發了出來, 真係腳都俾埋佢

浴室設有兩個洗手盆, 一人一個不用爭!

你看不到水龍頭, 這設計都不俗, 但尾中不足是池盆太淺, 一開就要唱何韻詩的成名作"水花四濺"!

仲有香薰任你點!!但係其實都只係用黎裝飾下架啫!!因為間房太大, 點完都不太覺有味

Front desk 姐姐一開始就說每日的三點至四點半都是High Tea 時間, 可以免費到酒店內的一間餐廳享用, 心諗真係Lucky 喇! 又有免費著數, 我們坐了兩個多鐘的車又開始肚餓了, 於是滿心歡喜去吃一餐!

我們沿著剛才的走廊一路向前走, 走到盡頭就是餐廳, 泳池及海灘了!

餐廳外的景觀不俗, 藍天白雲, 對著泳池

我們的high tea 來到了!!!!

話明係high tea , 咁梗係3層架的high tea, 有三文治, 鬆餅(scone), 曲奇, 蛋糕的那種….就算唔3層都俾2層我啦!

原來只得兩件小蛋糕, 而那朱古力那件超甜! 所以我們最終都叫了三文治醫肚!

如果係咁, 話我們知送免費Coffee / Tea, 然後突然送兩件蛋糕俾你, 咁先會有驚喜架嘛!

這樣就展開了我們悠閒的一天!

3,023 total views, 1 views today

Paul Li表示:

間 Hotel 感覺幾好喎!
[版主回覆04/25/2011 23:55:00]係呀!真係唔錯架~好有屋企的感覺
靜靜地聽歌睇書真係超開心!

YouU表示:

wawa~~原來你去左泰國嘆世界!
個花灑係頭頂,幾新潮呀~
普通房都六百尺..好吸引  不過兩個鐘車程遠左d~~
[版主回覆04/25/2011 23:53:00]Dear you,
辛苦得黎至在嘆嘛 定期差下電真係好須要架!
係呀!個地下有個好好的去水位,你企係度沖完一陣D 水就唔見哂!
hehe,六百呎真係好似住緊D 示範單位咁~唔錯!
華欣真係一個很hea 的地方!所以都值得一去呀!