Home / 女神 . 港飲港食 / 川菜初睇驗 – 雲陽閣@美麗華

川菜初睇驗 – 雲陽閣@美麗華

良朋歡聚的日子又到了! 今次由C先生選址, 同親佢食我都會將呢個責任交俾佢, 每次都唔會令人失望, 真係好!

今次佢提議去食川菜, 我第一個反應問佢"下!? 辣唔辣架?! 我唔係好食得辣架!?"

佢話唔係所有野都係辣架, 不過見我咁o既反應, 於是即刻就問我如果係咁, 駛唔駛轉去食日本野, 係我回答佢之前, 我就上去佢俾我的openrice 連結睇下呢間野有咩好食

笑笑都算多, 亦都唔係味味都辣, 為左唔辜負左友人C的一番心機 於是我就決定一試喇!!

呢間原來都算係得獎的熱店!

這間雲川閣位於美麗華的四樓, 地點都算十分就腳, 不過奇就奇在, 一來到門口, 居然冇reception 係門口….

於是我行入去等左一陣, 先至有個侍應理下我, 因為C 先生訂左位的關係, 我地就被安排係一間比較靜的偏廳入面, 同場有一檯外國人, 及後一檯日本人, 再來一檯大陸人!

於是我地就可以高談闊論, 口沬橫飛

餐牌個感覺好配合間餐廳, 一見到紅色就好自然會諗起!!!

款式十分多, 多到你都唔知揀咩食好! 有前菜, 海鮮類, 肉類, 菜類, 點心, 炒粉麵!

小妹對川菜真係冇咩研究, 不過好得意的係, 打開個甜品餐牌, 好似食緊北京樓, 因為佢有我最鍾意的高力豆沙!!

除主餐牌外, 仲特設左一個小的推廣餐牌 – 環球麻辣嘉年華!?

原來係用世界不同國家的食材以麻辣的方式泡製, 咁當然我打開睇下又合番埋啦!

於是我就叫C 先生發版, 他一來就點了個夫妻肺片…

同口水雞!!

佢係咁話都唔會好辣,可以一試,同場另一位C先生比我更加唔食得辣,佢一邊食,一邊喪駡!高呼"又話唔辣!?

C先生一面無知話"個餐牌都係加左一隻辣椒,鬼知你會覺得咁辣咩?"

於是另一位C先生反撃拿起餐牌"係3隻!最辣呀!!!"

C先生為左安撫佢即刻叫左個啤酒,幫佢降下溫!

老實講唔算係好辣,不過食多幾啖我對孖潤腸咀就出現左咁解~

於是我繼續食,深信有一日會練到即使食到幾辣都好,孖潤腸都不再出現

鍾意食辣野的朋友應該會覺得呢兩味唔錯的!

燈影牛肉係我一定要叫的!(我見係個招牌菜!)

果然沒有令我失望,香脆的牛肉加左芝麻同蜜糖,甜甜的,一食就覺得幸福感滿瀉!下次呢個都會變成必食!

還叫了一客雞汁鍋貼, 一客四只, 個餐牌好似仲有個手指公話係要必食, 不過可能期望有點過高, 我覺得個皮太厚, 又冇左期望的雞汁係隻鍋貼度爆出來, 所以都屬一般, 沒什驚喜!

唔好誤會呢味咕嚕肉, 呢味係叫糖醋里脊, 算小妹真係唔係好識食中菜, 我唔係好知用料有咩唔同, 因為食落去的感覺都真係一樣咁o既!

甜酸度適中,空口食唔駛送飯, 我地都成碟食哂!

呢碟都好有驚喜! 從未試過咁好食的炒年糕! 佢的好味之處在於每一件年糕在炒之前都是撲了少許粉炸過的! 外脆內軟, 軟得黎又比一般的年糕那種拉極都唔斷的感覺!

再加上是剛炒好, 熱辣辣入口, 真係炒年糕的表表者!

係美麗華食飽飽, 最好的節目就梗係去隔離的諾士佛臺開番支白酒嘆一嘆

2,682 total views, 1 views today

About 王姬

Scroll To Top